ورالدا 14 جاستاعى بالا قۇرداسىن اڭشى قارۋىمەن اتىپ ولتىرگەن
باتىس قازاقستان وبلىسىنىڭ ورتالىعى ورال قالاسىندا 14 جاستاعى وقۋشى سىنىپتاسىن اڭشى مىلتىعىنان ابايسىزدا اتىپ ولتىرگەن دەپ حابارلادى Tengrinews سايتى.
ورال قالالىق ىشكى ىستەر باسقارماسى جەرگىلىكتى پوليتسيا قىزمەتىنىڭ اعا ينسپەكتورى دينارا ابدۋلقالىقوۆانىڭ ايتۋىنشا، وقيعا جۇما كۇنى ساعات 17:00 شاماسىندا بولعان.
"ورال قالاسىندا تۇراتىن 2003 جىلى تۋعان كامەلەت جاسىنا تولماعان ءجاسوسپىرىم دەركۋل كەنتىندەگى توعاننىڭ جانىندا اڭشى مىلتىعىنان 2003 جىلى تۋعان كامەلەتكە جاسى جەتپەگەن بالانى ابايسىزدا اتقان. كەۋدەسىنە بىتىرا ءتيىپ جارالانعان الگى بالا وبلىستىق اۋرۋحانادا قايتىس بولعان", - دەپ حابارلادى پوليتسيا وكىلى.
مەكتەپ ۇجىمىنىڭ ەكى جاسوسپىرىمگە دە "جاقسى وقۋشى" دەگەن مىنەزدەمە بەرگەنى حابارلاندى.
Abai.kz
