مەن بىلەتىن ءبىر مەكتەپتە مۇعالىمدەردىڭ كوبى وزبەك تىلىندە جارىق كورەتىن تاۋەلسىز باسىلىمدى وقيدى ەكەن. "نەگە تاپ وسى گازەتكە؟" دەگەن ساۋالىما ء"وز انا تىلدەرىن ۇمىتىپ قالماۋ ءۇشىن، تىلدەرىن دامىتۋ ءۇشىن وسىنى تاڭدايدى" دەگەن جاۋاپ الدىم.

ايتايىن دەگەنىم... وبلىستا وزبەكشە جارىق كورەتىن بىرنەشە گازەت بار.

دەگەنمەن، مەنىڭ بۇيرەگىم "جانۋبي قازاقستانعا" بۇرادى. سەبەبى ول مەملەكەتتىك گازەت. مەملەكەتىمىزدىڭ ساياساتىن ناسيحاتتايدى. مەملەكەتشىل. ء"وز ءتىلىن ۇمىتىپ قالماۋ ءۇشىن...." دەگەندەر نەگە ەندى سول وزبەك تىلىندە جارىق كورەتىن بىزدەگى مەملەكەتتىك گازەتتى تاڭدامايدى؟ نەگە تاۋەلسىز باسىلىمعا بۇيرەگى بۇرادى؟ ول باسىلىمنىڭ نە جازىپ جاتقانىن وقىپ، سارالاپ وتىراتىندار بار ما ەكەن؟ مەنىكى ءجاي عانا قىزىعۋشىلىق تانىتقان ساۋالدار. جاۋابىن اركىم ءوزى توپشىلاي جاتار... مەنىڭ بىلەتىنىم، قازاقستاندى مەكەن ەتكەن سان ۇلتتىڭ وكىلىنە ءتىلى مەن ءدىلىن جوعالتپاۋ ءۇشىن مەملەكەتىمىزدە بارلىق جاعداي جاسالعان. تەك سونىڭ قادىرىن بىلسە بولعانى!

ءجاميلا ءمامىرالى

Facebook-تەگى پاراقشاسىنان