قر ۇكىمەتىنىڭ ءباسپاسوز-ورتالىعىندا وتكەن ءباسپاسوز-كونفەرەنتسياسىندا «ەكسپو-2017» كورمەسىنىڭ ناتيجەلەرى مەن ۇسىنىلعان بالامالى قۋات كوزدەرى مەن جاڭا تەحنولوگيالاردى ەنگىزۋ جولدارى ءسوز بولدى - دەپ حابارلايدى «Abai.kz» اقپاراتتىق پورتالى.

جيىننىڭ نەگىزگى تالقىسى بالامالى قۋات كوزدەرىن ەنگىزۋ جانە حالىقارالىق مامانداندىرىلعان كورمە اياسىندا ىرىكتەلىپ العان ەڭ ۇزدىك جوبالاردى جۇرتقا تانىستىرۋ بولدى.

اتالعان جيىنعا ش. ەسەنوۆ اتىنداعى كاسپي مەملەكەتتىك تەحنولوگيالار جانە  ينجينيرينگ ۋنيۆەرسيتەتىنىڭ رەكتورى احمەتوۆ بەرىك باقىتجانۇلى, قوستاناي مەملەكەتتىك پەداگوگيكالىق ينيستيتۋتىنىڭ رەكتورى ءابىل ەركىن امانجولۇلى, قاراعاندى مەملەكەتتىك يندۋستريالىق ۋنيۆەرسيتەتىنىڭ رەكتورى جاۋتىكوۆ باقىت احاتۇلى قاتىسىپ، بايانداما جاسادى.

ءباسپاسوز-كونفەرەنتسياسىندا بەلگىلى بولعانداي، حالىقارالىق «ەكسپو-2017» كورەمەسىندە ۇسىنىلعان 105 جوبانىڭ 10 شاقتىسى قوستانايدا قولعا الىنىپ جاتىر. بۇل تۋرالى قمپي رەكتورى ەركىن امانجولۇلى ايتتى.

«ەكسپو-2017 كورمەسىنىڭ ەڭ باستى ىقپالى بۇل – ءبىزدىڭ جاستارىمىزدىڭ ەكولوگيالىق ساناسىنىڭ جاڭارۋى مەن زەرتتەۋ جۇمىستارىنا دەگەن قىزىعۋشىلىعىن ارتتىرۋ بولسا كەرەك. بۇگىنگى تاڭدا ۇسىنىلعان 105 جوبادان 10 شاقتى جوبا تاڭدالىپ الىندى. ولاردىڭ كەيبىرى وبلىس ەكونوميكاسىنا بەكىتىلىپ جاتىر. كەيبىرى جوسپارعا ەنگىزىلگەن»، - دەيدى ەركىن امانجولۇلى.

رەكتور مىرزانىڭ ايتۋىنشا، اتالعان 10 جوبانىڭ ىشىندە «قوستاناي سۋ» كوممۋنالدىق مەكەمەسىنە قاتىستى ەكى جوبانىڭ ءبىرى – اۋىز سۋ ارنالارىن تازارتۋعا باعىتتالعان جوبا مەن كۇن باتارەيالارىمەن جابدىقتالعان كوشە شامدارىنىڭ وبلىس اۋماعىندا ورناتىلا باستاۋىن اتاپ ءوتتى. سونىڭ ىشىندە، قالا شامدارىن كۇننەن قۋات الاتىن قۇرىلعىمەن جابدىقتاۋ جۇمىستارى ليساكوۆسك قالاسىندا قارقىندى جۇزەگە اسىپ جاتىر ەكەن.

سونداي-اق، قوستاناي پەدوگوگيكالىق ۋنيۆەرسيتەتىنىڭ ستۋدەنتتەرى 150-دەن استام جوبا ازىرلەگەنىن ايتتى. ونىڭ 15 وقۋ ورنى قارجىلاندىرسا، ەكەۋىن جەكە ينۆەستورلار كومەگىمەن جۇزەگە اسپاق.

ايتا كەتەرلىك جايت، قمپي-دىڭ  وقۋ عيماراتىندا ورنالاسقان سپورت زالىندا بالامالى قۋات كوزىمەن جابدىقتالعان شامدار ورناتىلعان ەكەن. سونىڭ ارقاسىندا ۋنيۆەرسيتەت ەلەكتر جارىعىنا بولىنگەن شىعىندا ەداۋىر قىسقارتقان. اتاپ ايتساق، شىعىن كولەمى 800 مىڭ تەڭگەگە دەيىن ازايعان.

«ءبىز قازىر ۋكرايندىق ارىپتەستەرىمىزبەن بىرگە، ۋنيۆەرسيتەت اتىنان كەلىسسوزدەر جۇرگىزىپ جاتىرمىز. ول – تەرەزە پەردەلەرىنە فوتوەلەمەنتتەردى قولدانۋ ارقىلى ەلەكتر ەنەرگياسىن الۋ جوباسى. وسى سەكىلدى جوبالارعا جاستاردىڭ قۇلشىنىسى ارتىپ كەلەدى. بۇل ەڭ باستى جەتىستىك دەسەك بولادى»، - دەدى ەركىن امانجولۇلى.

«ەكسپو-2017» كورمەسى اياسىندا ۇسىنىلعان 105 ماڭىزدى جوبانى جۇزەگە اسىرۋدا قاراعاندى مەملەكەتتىك يندۋستريالىق ۋنيۆەرسيتەتى دە قالىس قالعان جوق. ۋنيۆەرسيتەت رەكتورى باقىت جاۋتىكوۆتىڭ ايتۋىنشا، قازىرگى تاڭدا رەسەي، فينليانديا مەن بەلورۋسسيا عالىمدارىمەن ەنەرگيا ۇنەمدەۋ جانە جىلىتۋ قۇرىلعىلارىن ەنگىزۋ جونىندە تىكەلەي كەلىسسوزدەر جۇرگىزىپ، كەلىسىم جاسالعان.

«گەرمانيامەن دە بىرلەسكەن جوبالاردى جۇزەگە اسىرىپ جاتىرمىز. پولشا ماماندارى ۇسىنعان كوگىلدىر كومىر جۇيەسى جىلۋ قازاندىقتارىنداعى ەنەرگيا شىعىنىن ازايتۋعا مۇمكىندىك بەرىپ وتىر»، - دەيدى باقىت احاتۇلى.

سونىمەن قاتار، ۋنيۆەرسيتەت بازاسىندا «3D Engineering» جوبالاردى قولعا الىپ، بولاشاق مامانداردىڭ عىلىمي-زەرتتەۋ جۇمىستارىنا باسا كوڭىل ءبولىنىپ جاتىر ەكەن. ۋنيۆەرسيتەتتىڭ جاڭا وقۋ پروگرامماسىنا كۇن جانە جەل ەنەرگياسىن الۋ قۇرىلعىلارىن باسقارۋ ادىستەرىن ۇيرەنۋ دە ەنگىزىلىپتى.

ش. ەسەنوۆ اتىنداعى كاسپي مەملەكەتتىك تەحنولوگيالار جانە  ينجينيرينگ ۋنيۆەرسيتەتىنىڭ رەكتورى احمەتوۆ بەرىك باقىتجانۇلى «ەكسپو-2017» كورمەسىنىڭ اياسىندا قول جەتكىزىلگەن جەتىستىكتىڭ نەگىزى – جاپپاي تسيفرلاندىرۋ ەكەنىن اتاپ ءوتتى.

«قازىرگى كەزدە ەنەرگيانىڭ بالامالى كوزدەرىن قولدانۋ ارقىلى ۋنيۆەرسيتەتكە قاجەتتى ەنەرگيانىڭ 1 پايىزىن ءبىز ءوزىمىز ءوندىرىپ شىعارامىز. كەلەشەكتە بۇل كورسەتكىشتى 10 پايىزعا دەيىن جەتكىزسەك دەگەن جوسپارىمىز بار»، - دەدى بەرىك باقىتجانۇلى.

قر ۇكىمەتىنىڭ ءباسپاسوز-ورتالىعىندا وتكەن ءباسپاسوز جيىنىندا كوتەرىلگەن ماسەلەلەردىڭ وزەكتىسى وسى بولدى. «ەكسپو-2017» كورمەسى اياقتالعانىمەن، كورمە اياسىندا قول جەتكىزگەن كەلىسىمدەردى جۇزەگە اسىرۋ، بالامالى ەنەرگيا كوزدەرىن تابۋ جانە ەنگىزۋ، اتاپ ايتقاندا ارنايى كوميسسيا ىرىكتەگەن 105 ماڭىزدى جوبانىڭ وڭىرلەردە ەنگىزۋ جوبالارى جۇزەگە اسىرىلا باستادى. بۇل قۋانتارلىق جاڭالىق، ارينە.

Abai.kz