قىرعىزستاننىڭ ەكونوميكا ءمينيسترى ارتەم نوۆيكوۆتىڭ حابارلاۋىنشا، قىرعىزستان 10 قاراشادا دۇنيەجۇزىلىك ساۋدا ۇيىمىنىڭ ساۋدا جونىندەگى كوميتەتىندە ارنايى بايانداما جاسايدى. قىرعىزستاننىڭ ەۋرازيالىق ەكونوميكالىق كوميسسياعا شاعىمى قارالاتىن كۇن ازىرگە بەلگىسىز.
10 قازاندا قازاقستان شەكارا باقىلاۋىن كۇشەيتتى، سونىڭ سالدارىنان وتكىزۋ بەكەتتەرىندە ۇزىن-سونار كەزەك پايدا بولدى. ءبىر اپتادان سوڭ قىرعىزستان ۇكىمەتى دسۇ مەن ەەك-گە قازاقستاندىق تاراپتىڭ كەلىسىمدى بۇزعانى تۋرالى شاعىم ءتۇسىردى.

نوۆيكوۆتىڭ سوزىنە قاراعاندا، قازاقستانمەن شەكاراداعى ماسەلەگە قاتىستى شەشىم ەكونوميكالىق بىرلەستىك اياسىندا قابىلدانادى. ەكى تاراپ تا دسۇ-عا جانە ەاەو-عا كىرەدى.

18 قازاندا استانادا قازاقستان مەن قىرعىزستان ۇكىمەت باسشىلارىنىڭ كەزدەسۋىندە جولاۋشى كولىكتەرى مەن اۋىر جۇك كولىكتەرىنىڭ ءجۇرىسىن تەجەمەۋگە كەلىسكەن. سول كەزدەسۋدە شەكارا ماسەلەسىن شەشۋ ءۇشىن جول كارتاسىن قابىلداۋ كەلىسىلگەن.

25 قازاندا قىرعىز ەكونوميكا ءمينيسترى ارتەم نوۆيكوۆ، ەرەۆاندا ەۋرازيالىق ۇكىمەتارالىق كەڭەستەن سوڭ،"قازاقستان جول كارتاسىنا قول قويۋدان باس تارتتى" دەپ مالىمدەدى.

Abai.kz