جەڭىشبەك جۇماقادىر دەيتىن قىرعىزدىڭ اقىنى بار. سول جاقىندا بەينە ۇندەۋ جاساپ، الەۋمەتتىك جەلىگە جاريالاپتى. وندا قازاق پەن قىرعىزدىڭ ورتاسىنداعى ماسەلەلەرگە توقتالىپ، پرەزيدەنت نازارباەۆتان شەكاراداعى شەكتەۋدى الىپ تاستاۋدى سۇراپتى.

ءوز پرەزيدەنتى الماسبەك اتامباەۆتىڭ ايتقاندارى ءۇشىن كەشىرىم سۇراعان. "قازاقتىڭ بار عوي نارقىندا، قىرعىزدىڭ بار عوي سالتىندا. ءىنىسى قويسا ەركەلەپ، اعاسى قويادى كەشىرىپ.، قۇشاعىن جايىپ كەلسە دەپ...", دەپ توككەن جەڭىشبەكتىڭ ايتقاندارى بۇل.

اتامباەۆتىڭ ايتقاندارىنا توقتالىپ جاتپادىق. ونى ەستىدى جۇرت. دۇركىن-دۇركىن دۇرەلەگەندەي ايتىلعان الگى تۆ شوۋلاردان كەيىن قازاق بيلىگى ءوز رەاكتسياسىن كوركەتتى. شەكتەن شىققانى بىلاي تۇرسىن، بەيساۋات ايتىلعان الگى پىكىرلەردەن كەيىن شەكارا ماسەلەسى تۋدى. شەكارا شەگەندەلدى، شەكتەۋ قويىلدى.

ءبىر قىزىعى وسى ۋاقىتقا دەيىن ەكى بيلىكتىڭ تەكەتىرەسىنە توقتاۋ ايتقان اعا بۋىن، زيالى قاۋىم وكىلدەرى بولعان جوق. قازاق قالامگەرلەرى ء"لام-ميم" دەپ جاق اشقان جوق. قىرعىزداعى زيالى توپ تا تىپ-تىنىش جاتقان.

جەڭىشبەك جۇماقادىر بەينە جازبا جاساپ، پرەزيدەنت نازارباەۆتان كەشىرىم سۇراپ، شەكارانى اشۋدى ءوتىندى. جەڭىشبەكتىڭ بۇل قادامىنا ءبىزدىڭ جاقتان ءالى رەاكتسيا بايقالمادى.

Abai.kz