بيىلعى جىلى «الماتى - تالدىقورعان» ماگيتسرالدى گاز قۇبىرىنىڭ قۇرىلىسى اياقتالدى. قازىرگى كەزدە الماتى وبلىسىنىڭ 11 اۋدانىندا گازداندىرۋ جۇمىستارى ءجۇرىپ جاتىر. بۇل تۋرالى وبلىس اكىمى اماندىق باتالوۆتىڭ ورتالىق كوممۋنيكاتسيالار قىزمەتىندە وتكەن بريفينگىسىندە بەلگىلى بولدى.

تابيعي گازدى اسىعا كۇتكەن وبلىس تۇرعىندارىنىڭ كوپشىلىگى بيىلعى جىلى كوگىلدىر وتىنعا قول جەتكىزدى. ءسويتىپ ءوڭىردى گازداندىرۋ 23% قۇراپ وتىر.

- تابيعي گازعا ءوتۋدىڭ ارتىقشىلىعى وتە كوپ: بىرىنشىدەن، ءوڭىر تۇرعىندارىنىڭ جىلۋعا كەتەتىن شىعىنى ازايادى، ەكىنشىدەن، تۇرعىنداردىڭ ءومىر ءسۇرۋ قولايلىلىعى ارتادى، ەڭ باستىسى باسقا وتىن تۇرلەرىنە قاراعاندا ەكولوگيالىق جاعىنان تازا، - دەدى اماندىق باتالوۆ.

ەسكە سالساق، 2020 جىلعا قاراي الماتى وبلىسىنىڭ بەس اۋدانى مەن قاپشاعاي قالاسى تولىعىمەن 100% گازداندىرىلادى، ال جالپى وبلىستا گازبەن قامتۋ دەڭگەيى 45%-كە جەتەدى. 

Abai.kz