قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى ىشكى ىستەر ورگاندارىن قاتىستىرۋ ارقىلى تەرروريزم مەن ەكستريميزمدى ناسيحاتتاۋ فاكتىسى بويىنشا قوزعالعان قىلمىستىق ءىس شەڭبەرىندە اقتوبە قالاسىنىڭ 4 تۇرعىنىن قولعا ءتۇسىردى،-دەپ حابارلايدى "اباي-اقپارات" اقپارات اگەنتتىگى قر ۇقك ءباسپاسوز قىزمەتىنە سىلتەمە جاساي وتىرىپ. 

ۇلتتىق قاۋىپسىزدىك كوميتەتى قىزمەتكەرلەرى ءتىنتۋ بارىسىندا قولدان قىسقارتىلعان اڭشى مىلتىعى مەن وعان ارنالعان وق-دارىلەر، تراۆماتيكالىق جانە گاز تاپانشالارى، قولدان جاسالعان پىشاقتار مەن دەسترۋكتيۆتى ءدىني مازمۇنداعى ادەبيەت جانە ەلەكتروندى اقپارات تاسىمالداۋىشتاردى تىركىلەپ العان.

ارنايى وپەراتسيا كەزىندە قۇرىقتالعان ءتورت ادام وسىعان دەيىن تۇراقتى تۇردە جيىندار ۇيىمداستىرعان دەپ كۇدىكتەلەدى جانە ولار وزگە ادامداردى قازاقستاندا تىيىم سالىنعان «دايش» حالىقارالىق تەرروريستىك ۇيىمىن قولداۋعا ۇگىتتەگەن.

قازىرگى تاڭدا تۇتقىندالعان تورتەۋگە قاتىستى تەرگەۋ امالدارى ءجۇرىپ جاتىر.

اباي-اقپارات