كورپوراتيۆتىك ورتالىقتىڭ قىزمەتى قايتا قۇرىلدى، باسقارۋ قورىنىڭ قۇرامى قايتا جاساقتالدى

«سامۇرىق-قازىنا» اق بيزنەستى ترانسفورماتسيالاۋ باعدارلاماسىنىڭ ەكونوميكالىق اسەرى 2017 جىلدىڭ قورىتىندىسى بويىنشا مالىمدەلگەن جوسپاردان ەكى ەسە اسادى. وسىنداي بولجامدى قوردىڭ اكتيۆتەرىن ترانسفورماتسيالاۋ جانە وڭتايلاندىرۋ جونىندەگى باسقارۋشى ديرەكتورى اداماس يلكياۆيچيۋس جاريالادى.

«توعىز ايدىڭ قورىتىندىسى بويىنشا، ءبىز قازىردىڭ وزىندە ءبىر جىلعا قويىلعان ترانسفورماتسيادان ەكونوميكالىق قايتارىم جونىندەگى جوسپارلارىمىزدان اسىپ كەتتىك. جىل قورىتىندىسى بويىنشا ەكونوميكالىق تيىمدىلىك ءبىز كۇتكەننەن ەكى ەسە جوعارى بولۋى مۇمكىن»، - دەدى يلكياۆيچيۋس ترانسفورماتسيا باعدارلاماسىنىڭ ارالىق ناتيجەلەرى تۋرالى اقپاراتتىق سەسسيادا.

«شىن مانىندە، 37 ملرد. (تەڭگە -كورر. ەسكە.) الدىق، بۇل جىل بويى كۇتكەنىمىزدەن جوعارى. جىلدىڭ سوڭىنا دەيىن ءبىز بۇل كورسەتكىشتىڭ ارتاتىنىنا سەنىمدىمىز، ءبىز 50 ميللياردقا جەتەمىز دەپ ۇمىتتەنەمىز »، - دەدى قوردىڭ توپ-مەنەدجەرى.

سونىمەن قاتار، ول ۇستىمىزدەگى جىلدىڭ مامىر ايىندا «سامۇرىق-قازىنا» ءوزىنىڭ ترانسفورماتسيا كەزەڭىن اياقتاعانداعىن حابارلادى. كورپوراتيۆتىك ورتالىقتىڭ قىزمەتى قايتا قۇرىلدى، باسقارۋ قورىنىڭ قۇرامى قايتا جاساقتالدى، ال ەندى ەنشىلەس كومپانيالاردىڭ جۇمىسىن وڭتايلاندىرۋعا بەت بۇرىلۋدا.

قازىرگى تاڭدا ترانسفورماتسيالاۋ باعدارلاماسى بويىنشا ءارتۇرلى كومپانيالاردىڭ سان الۋان سالالارىندا 130-عا جۋىق جوبا جۇزەگە اسىرىلۋدا. «قازپوچتا» اق سۇرىپتاۋ ورتالىعىن وڭتايلاندىرۋ بويىنشا جوبانىڭ ناتيجەلەرىن ۇسىندى، بۇل رەسپۋبليكاعا ەنگىزىلگەن بارلىق جونەلتىلىمدەردى تىركەۋگە مۇمكىندىك بەردى.

«ءبىز كىرىس ۇدەرىسىن بارىنشا اۆتوماتتاندىردىق، ول ءبىزدىڭ سۇرىپتاۋ ورتالىقتارىمىزدىڭ وتكىزۋ قابىلەتىن 30 پايىزعا ارتتىرۋعا مۇمكىندىك بەردى. ەڭ باستىسى – سۇرىپتاۋداعى قاتەلىكتەردى 99  پايىزعا بولدىرمايدى»، - دەدى «قازپوچتا» اق بيزنەستى باسقارۋشى ديرەكتورى ازات ماشاباەۆ.

قازىرگى ۋاقىتتا «سامۇرىق-قازىنا» توبىنىڭ التى ءىرى كومپانياسى ترانسفورماتسيادان وتۋدە: «قازمۇنايگاز» ۇك اق، «قازاتومونەركاسىپ» ۇاك اق، «قتج» ۇك اق، «قازپوچتا» اق، «KEGOC» اق، «سامۇرىق-ەنەرگو» اق.

اباي-اقپارات