بۇل جونىندە Politico امەريكالىق باسىلىمى سەناتور-دەموكرات دايان فاينشتەيننىڭ NBC تەلەكانالىنا بەرگەن سۇحباتىنا سىلتەمە جاساپ جازادى.

فاينشتەيننىڭ ءسوزى بويىنشا پروكۋروردىڭ ءوزى تەرگەۋ ءىسىن جاريالاماي وتىر. بىراق مايكل ءفليننىڭ مويىنداۋى مەن تەرگەۋ ىسىنە كومەكتەسۋى جونىندەگى سوزدەرى، سونىمەن بىرگە ترامپ اكىمشىلىگىمەن جۇمىس ىستەگەنىن مويىنداۋى "سوت ادىلدىگىنە كەدەرگى كەلتىرۋ" ءىسىن دايىنداۋعا سەبەپ بولۋى مۇمكىن دەيدى سەناتور.

ترامپ فبر ديرەكتورى دجەيمس كوميدى 2017 جىلدىڭ مامىر ايىندا قىزمەتىنەن كەتىرگەننەن كەيىن، ميۋللەر "سايلاۋ كامپانياسىنا رەسەيدىڭ ارالاسۋى" ءىسىن تەرگەۋدى قولىنا العان. ءبىر ايدان كەيىن، ارنايى تىڭداۋدا جاۋاپ بەرگەن كومي ترامپتىڭ وزىنە قىسىم كورسەتكەنىن ايتقان. كوميدىڭ سوزدەرىنشە، پرەزيدەنت ءفليننىڭ رەسەيلىك رەسمي وكىلدەرمەن بايلانىسىن تەكسەرمەۋدى تالاپ ەتكەن.

ال اقش پرەزيدەنتى دونالد ترامپ پرەزيدەنت كامپانياسى جەتەكشىلەرى مەن رەسەي ۇكىمەتى اگەنتتەرى اراسىندا بايلانىس بولعانىن جوققا شىعارادى.

Abai.kz