"2018 جىلى قاڭتاردا لەباپ وبلىسىندا پوليتسيانىڭ شامامەن 1000 قىزمەتكەرىن قىسقارتادى. قالعان مەكەمەلەردە دە قىسقارتۋ بولادى. بۇعان قوسا، بارلىق زەينەتكەرلەر مىندەتتى تۇردە قىزمەتتەن بوساتىلادى نەمەسە جارتى ستاۆكاعا جۇمىس ىستەۋگە كەلىسىم بەرەدى", - دەدى لەباپ وبلىسىنداعى دەرەككوز.

بۇنىڭ الدىندا "حرونيكا تۋركمەنيستانا" باسىلىمى ەلدەگى مەملەكەتتىك مەكەمەلەردەگى قىزمەتكەرلەردىڭ 30 پايىزى جاڭا جىلدان باستاپ قىسقارادى دەپ حابارلاعان.

باسىلىم مالىمەتىنە قاراعاندا، مەملەكەتتىك بيۋدجەتتەن قارجىلاندىرىلاتىن بارلىق ۇيىمدار مەن مەكەمەلەرگە، سونىڭ ىشىندە مۇناي جانە گاز سالاسىنا شتات سانىن 30 پايىزعا قىسقارتۋ تۋرالى جوعارىدان بۇيرىق تۇسكەن. قىسقارتۋ 1 جەلتوقسانعا نەمەسە 1 قاڭتارعا دەيىن جۇرگىزىلۋى ءتيىس. ورتا مەكتەپتەر عانا قىسقارتۋعا ۇشىرامايدى. بىراق مەكتەپ ديرەكتورلارىنا زەينەتكەر جاسىنداعىلاردى قىسقارتۋ تۋرالى بۇيرىق بەرىلگەن.

قاراشا ايىنىڭ ورتاسىندا مۇناي جانە گاز، سۋ شارۋاشىلىعى قىزمەتكەرلەرى قىسقارتىلعان ەدى.

Abai.kz