«بيزنەس باستاۋ» كاسىپكەرلىك مەكتەبىنىڭ جەتەكشىسى احمەتبەك نۇرسيلا مىرزا
1) كاسىپ اشۋعا قاجەتتى قۇرالداردى مەڭگەرتەمىز;
2) نيشاڭىزدى تاڭداۋعا كومەك بەرەمىز;
3) ءاربىر قازاقتىڭ ايلىق تازا تابىسى 1 ميلليون تەڭگەدەن كەم بولماۋى ءتيىس دەيدى.

راس پا؟ وتىرىك پە؟

مەن 2015 جىلدان بەرى احمەتبەك مىرزانىڭ نە ىستەپ كەلە جاتقانىن سىرتتاي دا، ىشتەي دە باقىلاۋدامىن. سوندا تۇيگەنىم: ونىڭ ايتقانى مەن ىستەپ جۇرگەنى ءبىر-بىرىنە ساي ەمەس! سوندىقتان الدانىپ قالماڭىزدار!

1) ءيا، كاسىپ اشۋعا قاجەتتى قۇرالدارمەن تانىستىرادى، ءبىر اپتادا ءبىر قۇرالدى ۇيرەتەدى، ۇيرەنە الماساڭىز، ودان ارمەن قينايدى. بۇل ازاپ 8 اپتاعا سوزىلادى.

2) نيشا تاڭداۋعا دا كومەك بەرەتىنىن دە جوققا شىعارا المايمىن. بىراق سول سونشا ماڭىزدى ما؟ نيشا دەگەن قۋىس قوي، قازىر نە كوپ، قۋىس كوپ، ءوزىڭىز دە تاۋىپ المايسىز با؟ سول ءۇشىن بىرەۋگە اقشا تولەيسىز بە؟

3) قازىرگى كۇنى ايلىق تابىستىڭ راسىندا دا ميلليوننان كەم بولماعانى ءجون عوي، سول ۋادەگە ەلتىپ، اۋزىڭىزدىڭ سىلەكەيىن جيناي الماي دا قالاسىز.
مىنە، سودان كەيىن قىزىق باستالادى. ءسىز كۇتپەگەن، ءسىز قابىلداۋعا دايىن ەمەس تەتىكتەر ىسكە قوسىلادى. كۇندىز كۇلكىنى، تۇندە ۇيقىنى جوعالتاسىز! جۇيكەڭىزگە، تانىڭىزگە، جانىڭىزعا جات نارسەلەرگە ارالاسۋىڭىزعا تۋرا كەلەدى.

1. بۇعان دەيىنگى قالىپتى ومىردەن، تىنىشتىقتان ايرىلاسىز. ساعات ءتىلى كەرى اينالا باستايدى.

2. ءوزىڭىزدىڭ ەكونوميكالىق قانداي جاعدايدا ەكەنىڭىزدى باعالاعاندا شوشيتىن جاعدايعا جەتەسىز. جەتەڭىز بولسا، ارينە!

3. ساناڭىزدا سەرپىلىس، ءتىپتى جارىلىس بولادى. تارس-تۇرس! بۋم-باح، با-باح!!! ءبىتتى دەڭىز!

4. كەيدە بۇرىن ۋادە ەتكەن قۇرالدارى ەسكىرگەن بولىپ شىعادى دا، جاڭالارىن، زاماناۋيلارىن ۇيرەتە باستايدى. ماسكەۋدەن، لوندوننان وقىپ كەلگەندەرىن تىقپالايدى. ءوزىنىڭ دە بيزنەس تاجىريبەسى سارقىلمايدى.

5. رۋحىڭىز ويانىپ، تانىڭىزگە تىنىشتىق بەرمەيدى: تاڭعى بەستە بىردەڭە سوعىپ كەتكەندەي اتىپ تۇراتىن بولاسىز! وزىڭىزدەن ءوزىڭىز مەديتاتسيا، نەشە ءتۇرلى جاتتىعۋ جاساي باستايسىز! ءتىپتى جەكسەنبى سايىن تاۋعا شىعىپ كەتەتىن ادەت قالىپتاسادى!

6. تەلەۆيزور كورۋدەن، تىزبەكتەلگەن، ءومىرى بىتپەيتىن سەريالداردان ەركىڭنەن تىس اجىراتادى. مۇنىسى، اسىرەسە، جاس تا سۇلۋ قىزدارعا، ادەمى كەلىنشەكتەرگە قيىنداۋ تيەدى. جاس بۇزاۋدى ەنەسىنەن اجىراتقانمەن بىردەي دەسەم وتىرىك ەمەس. وبال، ارينە!

7. ۇبت تاپسىرعاننان سوڭ ولسەم كورمەيمىن دەپ، ارازداسىپ، بەتىنە تۇكىرىپ، كۇرەسىنگە تاستاپ كەتكەن كىتاپ دەگەن پالەنى ىزدەي باستايسىز. جانە دە بار عوي، اناۋ-مىناۋ كىتاپتى مەنسىنبەي، بيزنەس كىتاپتاردى ماقساتتى تۇردە وقۋعا بەت بۇراسىز. سىزدەن جاقىندارىڭىز دا شوشي باستايدى.

8. بۇرىن تەك سىرتتاي بىلەتىن، «ءىرىپ-شىرىگەن» كاپيتاليستەرمەن ارالاسا باستايسىز. وزدەرىن «بيزنەس ورتا» دەپ اسپەتتەيتىندەر سىزگە ۇيىرسەكتەي باستايدى، ورتالارىنا تارتادى. قانداي ويلارى بار ەكەنىن كىم ءبىلسىن؟! بىرتىندەپ ولاردىڭ قىلىعىن، سوزدەرىن قابىلداپ، قايتالاي بەرەتىن بولاسىز.

9. جوعارىداعى ارەكەتتەردىڭ سالدارىنان كۇندىز وڭىڭىزدە، تۇندە تۇسىڭىزدە اقشا ساناي باستايسىز. ون مىڭ، ەلۋ مىڭ ەمەس، ءجۇز مىڭ، ميلليون دەگەن ساندار جاۋلايدى ساناڭىز بەن ەسەپ-شوتىڭىزدى.

10. اقشا ساناۋعا ەندى ۇيرەنە بەرگەندە تاعى ءبىر مازاق الدىڭىزدان شىعادى: «اقشانى جۇرەگىڭىزگە تۇسىرمەڭىز، ءبىز اقشا تابۋ ءۇشىن كاسىپ اشپايمىز، بىزگە كەرەگى ادامنىڭ ساپاسى، قازاقتىڭ ساپالى بولعانى» دەيدى. ءتۇسىنىپ كور! سوندا كاسىپتى نە ءۇشىن اشاسىڭ؟!

11. جانە ەڭ ءبىر قورقىنىشتىسى زامانالىق جاستارعا ءتان كليپتىك، فراگمەنتارلىق ساناڭىزدى قايتا ءپىشىپ، تۇتاستاندىرۋعا تىرىسادى.

12. سكالپەلمەن بە، الدە لازەرمەن بە، ايتەۋىر كوزىڭىزدەگى شەلدى سىلىپ تاستاۋ كەرەك دەپ «كوزميكروحيرۋگياسىنا» سىلتەيدى. بۇل قىزمەتى قوسىمشا اقىعا ما، الدە تەگىن بە، بىلە الماي جاتىرمىن.

13. دەكلاراتسيا تاپسىرتادى. ياعني وزىڭىزگە ءوزىڭىز جازباشا «وسىنشاما ۋاقىتتا وسىنشاما ادال تابىس تابامىن» دەپ ۋادە بەرەسىز. مۇنى ارينە، ەركىڭىزدەن تىس، كولحوزعا كىرگىزگەندە قيناعانداي ەتىپ وتىرىپ، قولىڭىزعا قاعاز-قالام بەرىپ، جۇرتتىڭ كوزىنشە ىستەتەدى. «ءسوزدىڭ قۇنى» دەگەنى بار. ورىنداي الماساڭىز، سول قۇندى تولەيسىز.

ءجا، وسىمەن دوعارايىن، كەيىنگە دە ءسوز قالدىرايىن. ۇزىن ءسوزدىڭ قىسقاسى، بارار جولدىڭ نۇسقاسى سول، جالشى بولىپ جايلى ءومىر سۇرۋدەن جالىققان بولساڭىز، وزىڭىزگە ءوزىڭىز جاۋاپكەرلىك ارقالاعىڭىز كەلسە، جىلىنا كەم دەگەندە ءبىر رەت وتباسىڭىزبەن شەتەلدە دەمالامىن دەگەن، جۇرتتان، جاقىن دوسىڭىزدان جاسىرىپ جۇرگەن ارام ويىڭىز بولسا، «بيزنەس باستاۋعا» بارىڭىز! مەن ەسكەرتتىم! الدانىپ قالىپ، مەنەن كورىپ جۇرمەڭىز. اسكەردەن دە قاتال ءتارتىبى بار، تاباندىلىقتى، سەرتكە ادالدىقتى، رۋح تازالىعىن، نامىس بەرىكتىگىن شىڭدايتىن مەكتەپكە بالالارىن بەرىپ، وقىتىپ العان باي بيزنەسمەندەردى كورگەن سوڭ ايتىپ وتىرمىن. بايلاردىڭ بالالارى بارىپ جاتقان جەرگە بايقاماي بارىپ قالىپ جۇرمەڭىز. كۇندەلىكتى كۇيكى تۇرمىسىنان جەرىنىپ، كاسىپكەرلىك مەكتەپكە امالسىز بارىپ جۇرگەن كەدەيلەردىڭ سانى ءتىپتى كوپ. ءبارىنىڭ دامەسى زور! كورەرمىز!

مەنىڭ ءوزىم، وسى قاراعاندىدان ەكى-ءۇش جاس كەلىنشەكتى بىلەمىن (بىرەۋى ءبىزدىڭ اۋىلدىڭ كەلىنى), تىپ-تىنىش 60-70 مىڭ جالاقى الىپ وتىرعان جۇمىستارىن ويلانباي تاستاپ كەتتى. اقىر سوڭىندا نە بولعانىن بىلسەڭىزدەر! كۇيەۋلەرىن اسىراۋعا كوشتى! ماسقارا دەگەن سول! ەرلەرى نە ىستەرىن بىلمەي ءجۇر.

كەلىنشەكتەرىنىڭ تابىستارى ولاردىڭ جالاقىلارىن بىرنەشە ەسە وراپ الاتىن مولشەردە. توقتايتىن تۇرلەرى جوق.

قاڭتاردىڭ 3-ىندە بب-نىڭ كومانداسى ەۋروتۋرعا كەتپەكشى! ەۋروپانىڭ 7 ەلىنىڭ 10 قالاسىن شەلى سىلىنعان كوزدەرىمەن كورىپ، ءوز اياقتارىمەن تازا كوشەلەرىن باسپاقشى. جولدارى بولسىن! ولار تۋردا جۇرگەندە ءبىز مۇندا ەمىن-ەركىن دەمالىپ الايىق.

بولات سىزدىق

Facebook-تەگى پاراقشاسىنان