«ءبىز تاۋەلسىزدىكتىڭ 26 جىلى بويىندا جۇمىس ىستەپ كەلەمىز. مەن جەكە باسىم قىرعىزستان جايىندا جامان پىكىر ايتقان ەمەسپىن جانە قىرعىزستانعا زالال كەلتىرەتىن بىردە ءبىر نارسە جاساعان جوقپىن. ءبىز كەلەمىز، كەتەمىز. كورشى ەلدەر قالادى. بىزگە دەيىن بولعان. بىزدەن كەيىن دە بولادى»، - دەدى مەملەكەت باسشىسى نازارباەۆ.

سوورونباي جەەنبەكوۆ نۇرسۇلتان نازارباەۆقا قازاقستانعا ساپارلاۋعا شاقىرعانى، پرەزيدەنت بولىپ سايلانۋىمەن قۇتتىقتاعانى ءۇشىن العىس ءبىلدىرىپ، ونى "اقساقال" دەپ اتادى. "بيىل ەكى ەل اراسىندا ديپلوماتيالىق قارىم-قاتىناس ورناعانىنا 25 جىل تولادى. ماڭگى دوستىق تۋرالى كەلىسىمگە قول قويعانىمىزعا 20 جىل بولدى. بۇل ساپار وسى ايتۋلى داتالارمەن سايكەس كەلىپ تۇر" دەدى جەەنبەكوۆ.

7 قازاندا قىرعىزستاننىڭ سول كەزدەگى پرەزيدەنتى المازبەك اتامباەۆ پرەزيدەنتتىككە كەيبىر كانديداتتار مەن قازاقستان بيلىگىنىڭ اتىنا قاتار سىن ايتقان. وعان دەيىن، قىركۇيەك ايىنىڭ ورتا شەنىندە قازاقستان پرەزيدەنتى نۇرسۇلتان نازارباەۆ قىرعىزستان پرەزيدەنتى سايلاۋىنا ءتۇسىپ جاتقان كانديدات ومۋربەك بابانوۆپەن كەزدەسكەن ەدى. رەسمي بىشكەك مۇنى "قازاقستان جاعىنىڭ قىرعىزستان حالقىنىڭ تاڭداۋىنا ىقپال ەتۋگە جانە قىرعىزستاننىڭ ىشكى ىسىنە ارالاسۋعا تىرىسۋى" دەپ باعالاعان.

10 قازاندا قازاقستان قىرعىزستانمەن شەكارادا تەكسەرۋدى كۇشەيتىپ، شەكارانىڭ قىرعىز جاعىندا جۇك كولىكتەرىنىڭ كەزەگى پايدا بولعان. شەكاراداعى ماسەلە قىرعىزستان پرەزيدەنتى بولىپ سايلانعان سوورونباي جەەنبەكوۆ قىزمەتىنە كىرىسىپ، 30 قاراشادا مينسكىدە نۇرسۇلتان نازارباەۆپەن كەزدەسكەننەن كەيىن عانا شەشىلگەن.

Abai.kz