وسى ءبىزدىڭ ساۋالناماشىلارعا تاڭ قالماۋ مۇمكىن ەمەس. جىل سايىن وسى مەزگىلدە ءار سالانىڭ «جىل ۇزدىكتەرىن» انىقتاپ جاتادى. مۇندايدا ارينە ازدىڭ كوپكە ۋاكىلدىك ەتەتىنىن ەسكەرۋ كەرەك... كەشە عانا ەرمەك تۇرسىنوۆ «جال ادامى» اتانىپ، ءبارىمىزدى اڭ-تاڭ ەتىپ ەدى. ەندى 2010 جىلدىڭ ەڭ ۇزدىك ساياساتكەرلەرى تۋرالى «كەسىم» جاسالدى.

الماتىداعى ساياسي شەشىمدەر ينستيتۋتى انىقتاعان سان-سالا بويىنشا جۇرگىزىلگەن ساۋالناما بويىنشا ساياساتكەر رەتىندە «باس بايگەنى» پرەمەر-مينيستر كارىم ءماسىموۆ يەلەندى. باقانداي 23,8 پايىز! قانداي ۇتقىر شەشىمى، العاداي ابىرويى ءۇشىن بۇلاي بولعانىن، ساۋالناماعا قاي تاراپتىڭ، قاي توپتىڭ وكىلدەرى قاتىسقانىن كىم ءبىلسىن؟..

ايتەۋىر، بيىلعى جىلى ءماسىموۆتىڭ يىرگەن ساقاسى الشىسىنان تۇرۋدا. «قازاقستان رەسپۋبليكاسى تۇڭعىش پرەزيدەنتى» وردەنىمەن ماراپاتتالعانداعى ەگىلە سويلەگەنى وتكەندە عانا ەدى. بۇگىندەرى مارقايىپ، قويۋ قارا مۇرتىن «كوككە شانشىپ» وتىرعان شىعار. بىزدە وسى «ەڭبەك دامالىسىنا»، ياكي، «ورنىن اۋىستىراردا» ات مىنگىزىپ، شاپان جاۋاتىن ادەتىمىز ەدى. بۇل دا سونىڭ ءبىر كورىنىس بولۋى مۇمكىن دەيدى سارى ءتىستى ساراپشىلار.

وسى ءبىزدىڭ ساۋالناماشىلارعا تاڭ قالماۋ مۇمكىن ەمەس. جىل سايىن وسى مەزگىلدە ءار سالانىڭ «جىل ۇزدىكتەرىن» انىقتاپ جاتادى. مۇندايدا ارينە ازدىڭ كوپكە ۋاكىلدىك ەتەتىنىن ەسكەرۋ كەرەك... كەشە عانا ەرمەك تۇرسىنوۆ «جال ادامى» اتانىپ، ءبارىمىزدى اڭ-تاڭ ەتىپ ەدى. ەندى 2010 جىلدىڭ ەڭ ۇزدىك ساياساتكەرلەرى تۋرالى «كەسىم» جاسالدى.

الماتىداعى ساياسي شەشىمدەر ينستيتۋتى انىقتاعان سان-سالا بويىنشا جۇرگىزىلگەن ساۋالناما بويىنشا ساياساتكەر رەتىندە «باس بايگەنى» پرەمەر-مينيستر كارىم ءماسىموۆ يەلەندى. باقانداي 23,8 پايىز! قانداي ۇتقىر شەشىمى، العاداي ابىرويى ءۇشىن بۇلاي بولعانىن، ساۋالناماعا قاي تاراپتىڭ، قاي توپتىڭ وكىلدەرى قاتىسقانىن كىم ءبىلسىن؟..

ايتەۋىر، بيىلعى جىلى ءماسىموۆتىڭ يىرگەن ساقاسى الشىسىنان تۇرۋدا. «قازاقستان رەسپۋبليكاسى تۇڭعىش پرەزيدەنتى» وردەنىمەن ماراپاتتالعانداعى ەگىلە سويلەگەنى وتكەندە عانا ەدى. بۇگىندەرى مارقايىپ، قويۋ قارا مۇرتىن «كوككە شانشىپ» وتىرعان شىعار. بىزدە وسى «ەڭبەك دامالىسىنا»، ياكي، «ورنىن اۋىستىراردا» ات مىنگىزىپ، شاپان جاۋاتىن ادەتىمىز ەدى. بۇل دا سونىڭ ءبىر كورىنىس بولۋى مۇمكىن دەيدى سارى ءتىستى ساراپشىلار.

سول ساۋالناماعا سەنسەك، ەكىنشى ورىندى استانا قالاسىنىڭ اكىمى يمانعالي تاسماعامبەتوۆ بوكتەرسە، ودان كەيىنگى ورىنعا قانات ساۋداباەۆ پەن قاسىم-جومارت توقاەۆ جايعاسقان. تاسماعامبەتوۆتىڭ «تاستاي» قيمىلدارى قاشاندا ەلدىڭ كوزىنە تەز ىلىگەتىنى انىق. ونىڭ جولدارىن باس قالانىڭ اكىمى ابدەن مەڭگەرگەن. ال ساۋداباەۆتى ەقىۇ-داعى جىل بويى «كۇندىز-ءتۇنى ءبىر تىنباي» ەتكەن «ساۋداسى» ءۇشىن باعالادىق دەلىك، ال قاسەكەڭنىڭ سەنات قابىرعاسىنداعى بەلگىسىز قيمىلدارىنىڭ قايسىسى حالىققا ۇناعانىن قايدان بىلەيىك. ءبىر تاڭعالارلىعى، العاشقى ون توعىز ادامنىڭ قاتارىنا مۇحتار شاحانوۆ، جارماحان تۇياقباەۆتاردىڭ دا ىلىگۋى... ينستيتۋت ماماندارىنىڭ ايتۋىنشا، بۇل ساۋالناماعا پرەزيدەنت ەسىمى قاتىستىرىلماعان. سەبەبى، ول كىسىنىڭ «شاپپاي بايگە الاتىنى» ايدان انىق. بىراق، وتكەندەگى ءبىر ساۋالنامالارىندا ينستيتۋت پرەزيدەنتتىڭ ءوزىن تومەندەتىپ جىبەرىپ، قايتادان «ەسىن» جيعان.

كەيبىر ساراپشىلار اتالعان ينستيتۋت مۇرتتى مىرزاعا باعىنىشتى مەكەمە دەگەندى دە ايتىپ قالادى. سوعان قاراعاندا، ءماسىموۆتىڭ وق بويى وزىپ شىعاتىن ءجونى بار-اۋ شاماسى...

ايتا كەتەرلىگى، قازاقستاندىقتاردىڭ 41 پايىزى ءومىر ءسۇرۋ جاقسارعانىن اتاسا، 39 پايىزى «ەشتەڭەنىڭ» وزگەرمەگەنىن كولدەنەڭ تارتقان. حالىقتىڭ 13 پايىزعا جۋىعى  بۇل ساۋالعا جاۋاپ بەرمەي، قالىس قالعان... «ۇنسىزدىك - قارسىلىقتىڭ ەڭ ۇلكەنى». دەمەك، ارعى جاعىن ءوزىڭىز شامالاي بەرىڭىز.

«اباي-اقپارات»