تەرگەۋشىلەردىڭ مالىمەتى بويىنشا، پالاۋ پىسىرگەن ۋاقىتتا ناتري نيتراتى پايدالانىلعان. ونى "ناتري سەليتراسى" نەمەسە "چيلي سەليتراسى" دەپ اتايدى.

"وقيعا ورنىندا بۇل زاتتىڭ شاعىن قورابى تابىلدى. ناتري سەليتراسى ولگەن ادامداردىڭ اعزالارىنان دا تابىلدى", - دەپ حابارلادى حۋدجاند پروكۋراتۋراسىنداعى دەرەككوز.

سوعدى وبلىستىق ىشكى ىستەر باسقارماسىنىڭ حابارلاۋىنشا، جاڭا جىل مەرەكەسىنىڭ جاقىنداعانىن تويلاعان تۇرعىندار پالاۋ جەگەن، سودان ۋلانعان ءتورت ادام قايتىس بولدى، سەگىز تۇرعىن اۋرۋحاناعا ءتۇستى. ونى پىسىرگەن 67 جاستاعى كوميل زويروۆ دا قايتىس بولعان. قازىر التى ادام اۋرۋحانادا جاتىر.

قىلمىستىق ءىس قوزعالدى. تەرگەۋشىلەر ناتري نيتراتىن كىم جانە قايدان اكەلگەنىن انىقتاپ جاتىر.

Abai.kz