ۋكراينا سوتى سااكاشۆيليدى بوسقىن دەپ تانۋدان باس تارتتى
3 قاڭتاردا كيەۆتىڭ ايماقتىق اكىمشىلىك سوتى گرۋزيانىڭ ەكس-پرەزيدەنتى، "جاڭا كۇشتەر قوزعالىسى" پارتياسىنىڭ ليدەرى ميحايل سااكاشۆيليدى بوسقىن دەپ تانۋدان باس تارتتى.
ايماقتىق اكىمشىلىك سوتتىڭ شەشىمىنە قارسى شاعىمدانۋعا مۇمكىندىك بار. سااكاشۆيلي ادۆوكاتتارى قارسى ارىز بەرەتىندەرىن مالىمدەدى.
سااكاشۆيلي ميگراتسيالىق قىزمەتتى ءوزىن بوسقىن دەپ تانۋدان باس تارتقانى ءۇشىن سوتقا بەرگەن.
گرۋزيا ازاماتتىعىنان ايىرىلعان وسى ەلدىڭ بۇرىنعى پرەزيدەنتىن گرۋزياعا ەكستراديتسيالاۋ قاۋپى تۇر. وندا وعان قارسى بىرقاتار قىلمىستىق ىستەر قوزعالعان. ۋكراينا دا سااكاشۆيليدەن ازاماتتىقتى ايىردى. بىراق ول بيلىكتىڭ بۇل شەشىمىن مويىندامايدى.
كيەۆتىڭ اپەللياتسيالىق سوتى پروكۋراتۋرانىڭ سااكاشۆيليدى قاماۋعا الۋ تۋرالى شاعىمىن قاراۋدى 11 قاڭتارعا شەگەرگەن. ۋكراينا پروكۋراتۋراسى سااكاشۆيلي جەتەكشىلىك ەتەتىن نارازىلىق شارالارى رەسەيدىڭ ۋكرايناعا قارسى قاستاندىعى دەپ بىلەدى. سااكاشۆيلي بولسا، بۇل ايىپتاۋلاردىڭ ءبارىن جوققا شىعارادى.
Abai.kz
