تەمىرتاۋدا مەتاللۋرگيا كومبيناتىندا جۇمىسشى ءولىمى تەكسەرىلىپ جاتىر
جۇمىسشىنىڭ دەنەسى «ارسەلورميتتال تەمىرتاۋ» (امت) مەتاللۋرگيا كومبيناتىنىڭ تسەحىنان تابىلعان دەپ حابارلايدى كومپانيانىڭ ءباسپاسوز قىزمەتى. بۇل اقپاراتتى تەمىرتاۋ قالاسىنىڭ توتەنشە جاعدايلار جونىندەگى باسقارماسى ناقتىلاعان.
كومپانيا ءباسپاسوز قىزمەتىنىڭ مالىمەتىنە قاراعاندا، دومنا تسەحىنىڭ قىزمەتكەرى 1982 جىلى تۋعان ازامات 3 قاڭتاردا تاڭەرتەڭ كاسىپورىن اۋماعىندا ءولى كۇيىندە تابىلعان.
كومپانيا وقيعانىڭ ءمان-جايىن تەكسەرۋ ءۇشىن ارنايى كوميسسيا قۇرىلعانىن حابارلايدى.
22 جەلتوقساندا قاراعاندى وبلىسىنداعى امت-نىڭ ءتۇسىپ كۇزەمباەۆ اتىنداعى شاحتاسىندا 35 جاستاعى ەر ازامات تاۋ جىنىسىنىڭ قۇلاۋىنان زارداپ شەككەن بولاتىن.
Abai.kz
