«تۇركىمەنستاننىڭ بالاما جاڭالىقتارى» باسىلىمىنىڭ حابارلاۋىنشا، جەلتوقسان ايىندا كولىك ينسپەكتورلارى ايەلدەرگە كەلەسى جولى رولگە وتىرعانىن كورسە، ايىپپۇل تولەيتىنىن ەسكەرتكەن. ەندى قاڭتار ايىنان باستاپ باسىلىمنىڭ دەرەككوزىنە قاراعاندا، ايەلدەردىڭ جۇرگىزۋ كۋالىگىن الىپ، كولىكتەرىن ايىپپۇل تۇراعىنا قويماقشى.

«باستاپقىدا بۇل اقپاراتتى قالجىڭ رەتىندە قابىلدادىم. بىراق ءوزىمدى كولىك پوليتسياسى ۇستادى. ەندى قازىر ايەلدەر كولىك جۇرگىزۋگە قورقادى. ولاردى جۇمىستان كۇيەۋلەرى الىپ كەتىپ جاتىر»، - دەيدى اشحاباد تۇرعىنى.

دەرەككوزگە قاراعاندا، 5 جەلتوقساندا ىشكى ىستەر ءمينيسترى يسگەندەر مۋليكوۆ مەملەكەت باسشىسىنا جول كولىك وقيعاسىنىڭ دەنى ايەل جۇرگىزۋشىلەردىڭ كەسىرىنەن بولادى دەپ ەسەپ بەرگەن. پرەزيدەنت مينيسترگە «جاعدايدى تۇزە» دەپ تاپسىرما بەرگەن.

«تۇركىمەنستاننىڭ بالاما جاڭالىقتارى» باسىلىمىنىڭ دەرەككوزى جاڭا تىيىمدار تەك كولىك پوليتسياسىنداعى قوردالانعان پروبلەمالاردى جىلى جابۋدىڭ ءبىر كورىنىسى دەيدى.

Abai.kz