وزبەكستاندا ميگرانتتاردى ۆيچ-كە تەكسەرۋدەن ءوتۋدى مىندەتتەدى
وزبەكستان پرەزيدەنتى ايتۆ (ادامنىڭ يممۋن تاپشىلىعى ۆيرۋسى) ىندەتىمەن كۇرەسۋ جونىندەگى قۇجاتقا قول قويدى. ونداعى شارانىڭ ءبىرى – ۇزاق جىلدار بويى شەتەلدە جۇمىس ىستەگەن ازاماتتار مەن ولاردىڭ وتباسىلارىن تەكسەرۋدەن وتكىزۋ دەپ جازادى جەرگىلىكتى باق.
ايتۆ -قا قارسى كۇرەس ەلدىڭ ارنايى مەملەكەتتىك باعدارلاماسىنا ەنگىزىلگەن. وسىعان سايكەس، ارنايى ءدارى-دارمەك ساتىپ الۋعا قارجى ءبولىنۋ كوزدەلگەن.
ىندەتتى جۇقتىرعان ازاماتتارعا ارنايى الەۋمەتتىك كومەك كورسەتۋ قاراستىرىلعان. اتاپ ايتقاندا، ايتۆ ىندەتى بار انادان تۋعان بالاعا قۇرعاق ءسۇت قوسپاسىن تەگىن بەرۋدى قامتاماسىز ەتۋى ءتيىس.
رەسمي مالىمەتكە قاراعاندا، وزبەكستاندا 32 مىڭنان استام ادام ايتۆ ىندەتىن جۇقتىرعان.
Abai.kz
