اقتوبەدە ورتەنگەن اۆتوبۋستىڭ ءتىرى قالعان جۇرگىزۋشىلەرى ەكى ايعا قامالدى
اقتوبە قالاسى №2 سوتىنىڭ سۋدياسى اليما اديلوۆا وزبەكستاننىڭ 52 ازاماتىنىڭ ولىمىنە سەبەپشى بولدى دەگەن نۇرجان قىرعىزباەۆ، ماقسات پەرنەبەكوۆ جانە بارات تاڭاتوۆتى ەكى ايعا قاماۋ تۋرالى شەشىم شىعاردى.
مەملەكەتتىك ايىپتاۋشى وسمان ورىنباساردىڭ سوزدەرىنشە، كۇدىكتىلەر اۆتوبۋس سالونىن جىلىتۋ ءۇشىن، ءورت قاۋىپسىزدىگى ەرەجەسىن بۇزىپ، دانەكەرلەۋشى شام قولدانعان.
ورتەنگەن اۆتوبۋستىڭ جۇرگىزۋشىسى، وڭتۇستىك قازاقستان وبلىسىنىڭ تۋماسى، 50 جاستاعى نۇرجان قىرعىزباەۆ وزىنە تاعىلعان كۇدىكتى تەرىسكە شىعارماعان. ال كامەلەتكە تولماعان ءۇش بالانىڭ اكەسى ماقسات پەرنەبەكوۆ سوتتا وزىنە تاعىلعان ايىپتاردى مويىنداماي، ءورت بولعانعا دەيىن ۇيىقتاپ قالعانىن ايتقان. بارات تاڭاتوۆ بولسا، جۇرگىزۋشى ەمەس ەكەنىن، اۆتوبۋستا جولاۋشىلاردىڭ ءبىرى بولعانىن مالىمدەگەن. جەتى بالانىڭ اكەسى تاڭاتوۆ ءوزىن سوتتاماۋىن سۇراعان.
18 قاڭتاردا رەسەيگە بەت العان جولاۋشى اۆتوبۋسى اقتوبە وبلىسى ىرعىز اۋدانى ماڭىندا ورتەنىپ كەتكەن. 52 ادام قازا تاۋىپ، بەسەۋى امان قالعان.
Abai.kz
