استانا. 6 قاڭتار. قازتاگ - باستاماشىل توپ رەفەرەندۋمدى قولداۋ بويىنشا قولداردىڭ سانىن شەكتەمەيدى، دەپ ءمالىم ەتتى باستاماشىل توپتىڭ جەتەكشىسى، سەمەي ۋنيۆەرسيتەتىنىڭ رەكتورى ەرلان سىدىقوۆ.

«ء…بىز قر پرەزيدەنتىنىڭ وكىلەتتىكتەرىن 2020 جىلعا دەيىن ۇزارتۋ بويىنشا رەفەرەندۋمدى قولداپ 2,5 ميلليونقول جينادىق. ءبىز (4 قاڭتارداعى بريفينگتە – قازتاگ) وسى قارقىندى ساقتاساق، 11-ىنە دەيىن 4 ميلليون جينايمىز دەپ ويلايمىز… بىراق سانىن شەكتەمەمىز، ولاردىڭ (رەفەرەندۋمدى قولدايتىن قر ازاماتتارىنىڭ) سانى ودان دا كوپ بولادى»، - دەدى ە. سىدىقوۆ بەيسەنبى كۇنى تەلەفون ارقىلى اگەنتتىككە.

ونىڭ ايتۋىنشا، قولداردىڭ شىنايىلىعى جەرگىلىكتى جەرلەردە تەكسەرىلىپ جاتىر، بۇل جۇمىسقا قر سوك قىزمەتكەرلەرى دە قاتىسۋدا. «ايماقتاردا جينالعان قولداردىڭ شىنايى ەكەنىنە سەنىمدىمىن، ولاردى تەكسەرىپ جاتىر»، - دەدى باستاماشىل توپتىڭ جەتەكشىسى.

استانا. 6 قاڭتار. قازتاگ - باستاماشىل توپ رەفەرەندۋمدى قولداۋ بويىنشا قولداردىڭ سانىن شەكتەمەيدى، دەپ ءمالىم ەتتى باستاماشىل توپتىڭ جەتەكشىسى، سەمەي ۋنيۆەرسيتەتىنىڭ رەكتورى ەرلان سىدىقوۆ.

«ء…بىز قر پرەزيدەنتىنىڭ وكىلەتتىكتەرىن 2020 جىلعا دەيىن ۇزارتۋ بويىنشا رەفەرەندۋمدى قولداپ 2,5 ميلليونقول جينادىق. ءبىز (4 قاڭتارداعى بريفينگتە – قازتاگ) وسى قارقىندى ساقتاساق، 11-ىنە دەيىن 4 ميلليون جينايمىز دەپ ويلايمىز… بىراق سانىن شەكتەمەمىز، ولاردىڭ (رەفەرەندۋمدى قولدايتىن قر ازاماتتارىنىڭ) سانى ودان دا كوپ بولادى»، - دەدى ە. سىدىقوۆ بەيسەنبى كۇنى تەلەفون ارقىلى اگەنتتىككە.

ونىڭ ايتۋىنشا، قولداردىڭ شىنايىلىعى جەرگىلىكتى جەرلەردە تەكسەرىلىپ جاتىر، بۇل جۇمىسقا قر سوك قىزمەتكەرلەرى دە قاتىسۋدا. «ايماقتاردا جينالعان قولداردىڭ شىنايى ەكەنىنە سەنىمدىمىن، ولاردى تەكسەرىپ جاتىر»، - دەدى باستاماشىل توپتىڭ جەتەكشىسى.

ەسكە سالا كەتەيىك، 27 جەلتوقساندا وسك رەسپۋبليكالىق رەفەرەندۋم وتكىزۋ تۋرالى باستاما كوتەرگەن باستاماشىل توپتى جانە ول ۇسىنعان ماسەلە - پرەزيدەنتتىڭ وكىلەتتىكتەرىن 2020 جىلدىڭ سوڭىنا دەيىن ۇزارتۋ تۋرالى رەفەرەندۋم وتكىزۋ ماسەلەسىن تىركەگەن بولاتىن.

«رەسپۋبليكالىق رەفەرەندۋم تۋرالى» كونستيتۋتسيالىق زاڭعا سايكەس، وسك-دا تىركەۋدەن وتكەننەن كەيىن باستاماشىل توپ رەسپۋبليكانىڭ رەسپۋبليكالىق رەفەرەندۋمعا قاتىسۋ قۇقىعىنا يە كەم دەگەندە 200 مىڭ ازاماتىنىڭ قولىن جيناۋعا ءتيىس. زاڭعا سايكەس، بارلىق وبلىستاردىڭ، استانا جانە الماتى قالالارىنىڭ تۇرعىندارىنان جينالعان قولداردىڭ ەڭ از سانى 200 مىڭ بولۋعا ءتيىس.

بۇرىن جوسپارلانعانداي، قولداردى جيناۋ 10 قاڭتارعا دەيىن جالعاسادى. ە. سىدىقوۆ 11 قاڭتاردا قول قويىلعان پاراقتاردى وسك-عا ءوزى تاپسىراتىنىن ايتقان بولاتىن.

زاڭعا سايكەس، قول جيناۋ اياقتالعان سوڭ قول قويىلعان پاراقتار ءتيىستى اۋماقتىق كوميسسيالارعا ءۇش كۇننىڭ ىشىندە تاپسىرىلۋعا ءتيىس.