استانا. 7 قاڭتار. قازتاگ - ايگۇل تۇلەكباەۆا. باستاماشىل توپ، جوسپارلانعانداي، پرەزيدەنت نۇرسۇلتان نازارباەۆتىڭ وكىلەتتىكتەرىن 2020-شى جىلدىڭ سوڭىنا دەيىن ۇزارتۋ بويىنشا رەفەرەندۋم وتكىزۋ جونىندەگى قول جيناۋدى جالعاستىرا بەرەدى، دەپ قازتاگ-قا توپ جەتەكشىسى، سەمەي مەملەكەتتىك ۋنيۆەرسيتەت رەكتورى ەرلان سىدىقوۆ ءمالىم ەتتى.

«ءبىز بۇرىنعى قارقىنمەن جۇمىستى جالعاستىرۋدامىز. 11-ءشى قاڭتارعا قول جيناۋدى اياقتايمىز دا، ودان سوڭ ول پاراقشالاردى وسك-عا تاپسىرامىز. ولار 2-3 كۇندە تەكسەرۋدەن وتكىزىپ، ودان سوڭ پرەزيدەنتكە ءوتىنىش جاسايدى»، - دەدى ول جۇما كۇنى تەلەفون ارقىلى قازتاگ ساۋالىنا.

«سول كەزدە پرەزيدەنت ءتيىستى جارلىعىن شىعارا وتىرىپ، ءوز دەگەنىن ايتادى»، - دەيدى ول. بۇل رەتتە ە. سىدىقوۆ، مەملەكەت باسشىسى جاقىنداعى جارلىعىمەن «رەفەرەندۋمنىڭ ءوزىن ەمەس، پارلامەنت دەپۋتاتتارى رەفەرەندۋمدا قارالۋى ءتيىس دەپ ۇسىنعان ءبىر ماسەلەنى عانا قابىلدامادى»، - دەپ ءتۇسىندىردى.

«پرەزيدەنت وسى ۇسىنىستى قابىل الماۋ ارقىلى ءوزىنىڭ «رەسپۋبليكالىق رەفەرەندۋم تۋرالى» زاڭداعى كونستيتۋتسيالىق قۇقىعىن پايدالاندى»، - دەپ، قوسىپ قويدى توپ جەتەكشىسى.

استانا. 7 قاڭتار. قازتاگ - ايگۇل تۇلەكباەۆا. باستاماشىل توپ، جوسپارلانعانداي، پرەزيدەنت نۇرسۇلتان نازارباەۆتىڭ وكىلەتتىكتەرىن 2020-شى جىلدىڭ سوڭىنا دەيىن ۇزارتۋ بويىنشا رەفەرەندۋم وتكىزۋ جونىندەگى قول جيناۋدى جالعاستىرا بەرەدى، دەپ قازتاگ-قا توپ جەتەكشىسى، سەمەي مەملەكەتتىك ۋنيۆەرسيتەت رەكتورى ەرلان سىدىقوۆ ءمالىم ەتتى.

«ءبىز بۇرىنعى قارقىنمەن جۇمىستى جالعاستىرۋدامىز. 11-ءشى قاڭتارعا قول جيناۋدى اياقتايمىز دا، ودان سوڭ ول پاراقشالاردى وسك-عا تاپسىرامىز. ولار 2-3 كۇندە تەكسەرۋدەن وتكىزىپ، ودان سوڭ پرەزيدەنتكە ءوتىنىش جاسايدى»، - دەدى ول جۇما كۇنى تەلەفون ارقىلى قازتاگ ساۋالىنا.

«سول كەزدە پرەزيدەنت ءتيىستى جارلىعىن شىعارا وتىرىپ، ءوز دەگەنىن ايتادى»، - دەيدى ول. بۇل رەتتە ە. سىدىقوۆ، مەملەكەت باسشىسى جاقىنداعى جارلىعىمەن «رەفەرەندۋمنىڭ ءوزىن ەمەس، پارلامەنت دەپۋتاتتارى رەفەرەندۋمدا قارالۋى ءتيىس دەپ ۇسىنعان ءبىر ماسەلەنى عانا قابىلدامادى»، - دەپ ءتۇسىندىردى.

«پرەزيدەنت وسى ۇسىنىستى قابىل الماۋ ارقىلى ءوزىنىڭ «رەسپۋبليكالىق رەفەرەندۋم تۋرالى» زاڭداعى كونستيتۋتسيالىق قۇقىعىن پايدالاندى»، - دەپ، قوسىپ قويدى توپ جەتەكشىسى.

سونداي-اق ە. سىدىقوۆ، زاڭناماعا سايكەس، ەگەر پرەزيدەنت پارلامەنتتىڭ كونستيتۋتسياعا وزگەرىستەر مەن تولىقتىرۋلار ەنگىزۋ ماسەلەسىن رەفەرەندۋمعا شىعارۋ ۇسىنىسىن قابىل الماسا، «پارلامەنت باسىم داۋىسپەن، ءار پالاتانىڭ دەپۋتاتتارىنىڭ بارلىعىنىڭ بەستەن ءتورتىنىڭ داۋسىمەن، كونستيتۋتسياعا تولىقتىرۋلار مەن وزگەرىستەر ەنگىزۋ تۋرالى زاڭدى قابىلداي الاتىنىن» ەسكە سالىپ ءوتتى. «ول جاعدايدا پرەزيدەنت ول زاڭعا قول قويادى دا، ونى رەسپۋبليكالىق رەفەرەندۋمعا شىعارادى»، - دەدى ول.

ەسكە سالساق، جۇما كۇنى رەسمي باسىلىمداردا قر پرەزيدەنتىنىڭ 6-شى قاڭتاردا قول قويعان،  پارلامەنتتىڭ قازاقستان كونستيتۋتسياسىنا وزگەرتۋلەر مەن تولىقتىرۋلار ەنگىزۋ ماسەلەسىن رەسپۋليكالىق رەفرەندۋمعا شىعارۋ تۋرالى ۇسىنىسىن  قابىل المايتىندىعى جونىندەگى جارلىعى جاريالاندى.

قر پارلامەنتىنىڭ سەناتى بەيسەنبى كۇنگى، 6-شى قاڭتارداعى القا وتىرىسىندا ءماجىلىس دەپۋتاتتارىنىڭ 29-شى جەلتوقساندا جاساعان ۇسىنىسىنا قولداۋ ءبىلدىردى. وندا تۇڭعىش پرەزيدەنت - ۇلت ليدەرى نۇرسۇلتان نازارباەۆتىڭ وكىلەتتىكتەرىن 2020-شى جىلدىڭ سوڭىنا دەيىن ۇزارتۋ ءۇشىن كونستيتۋتسياعا وزگەرتىلەر مەن تولدىقتىرۋلار ەنگىزۋ ماسەلەسىن رەسپۋبليكالىق رەفەرەندۋمعا شىعارۋ قاراستىرىلعان بولاتىن.

سونداي-اق سەنات كونستيتۋتسياعا ەنگىزىلمەكشى وزگەرتۋلەر مەن تولىقتىرۋلاردىڭ پرەزيدەنتكە ۇسىنىلىپ وتىرعان ءماتىنىن ماقۇلدادى.

بۇرىن حابارلانعانداي، 27-ءشى جەلتوقساندا وسك رەسپۋبليكالىق رەفەرەندۋم وتكىزۋ تۋرالى باستاما كوتەرگەن باستاماشىل توپتى جانە ول ۇسىنعان ماسەلە - پرەزيدەنتتىڭ وكىلەتتىكتەرىن 2020 جىلدىڭ سوڭىنا دەيىن ۇزارتۋ تۋرالى رەفەرەندۋم وتكىزۋ ماسەلەسىن تىركەگەن بولاتىن.

6 قاڭتارداعى جاعداي بويىنشا، باستاماشىل توپ قر تۇڭعىش پرەزيدەنتى نۇرسۇلتان نازارباەۆتىڭ وكىلەتتىكتەرىن 2020 جىلدىڭ سوڭىنا دەيىن ۇزارتۋ بويىنشا رەفەرەندۋمدى قولداپ 3 ملن 100 مىڭ قول جينادى. مۇنداي قارقىنمەن توپ 10 قاڭتارعا دەيىن 4 ملن قول جيناۋدى كوزدەپ وتىر.