"مەنىڭ ماقساتىم – ونى ءبىزدىڭ كوشەلەردە ەشقاشان ەركىن جۇرمەستەي ەتۋ", – دەدى ايىپتاۋشى.

2017 جىلى 7 ساۋىردە ستوكگولمدەگى دروتتنينگگاتان كوشەسىندە جاياۋ جۇرگەندەردى اكيلوۆ جۇك كولىگىمەن قاقتى. قاتتى جىلدامدىقپەن جۇرگەن كولىك 18 ادامدى باسىپ ءوتىپ، دۇكەنگە سوعىلدى. جۇك كولىگىندە بومبا بولعان.

تەررورلىق شابۋىلدان بەس ادام قازا بولدى، 15 ادام زارداپ شەكتى.

سول كۇنى پوليتسيا 39 جاستاعى اكيلوۆتى ۇستادى. ول شۆەتسياعا 2014 جىلى بارىپ، سوندا قۇرىلىسشى بولىپ ىستەگەن. ءبىراز ۋاقىت بۇرىن ول بۇل ەلدەن باسپا سۇراعان، بىراق شۆەتسيا بيلىگى ونى دەپورتاتسيالاۋعا شەشىم شىعارعان.

اكيلوۆ تەراكت جاساعانىن مويىنداپ، بۇل ارەكەتىن "يسلام مەملەكەتىنىڭ" تاپسىرماسى دەپ اتادى. سونىمەن بىرگە ول جاساعان ىسىنە وكىنبەيتىنىن ايتتى.

اكيلوۆ ىسىنە قاتىستى سوت اقپان ايىندا باستالادى. وزبەكستاندىققا قارسى 155 شاعىم تۇسكەن.

Abai.kz