قۇدايدىڭ بىزگە تاۋەلسىزدىكتى بۇيىرتقانى ءجۇدا جاقسى بولدى-اۋ! قارق ەتىپ بايىپ قالدىق. ەجەلدەن التىنى كوپ ەل باي دەلىنسە، بىزدە ودان باسقامىز دا جەتىپ جاتىر. ماسەلەن:

1. ۇلى اقىن. ۇلى جازۋشى. ۇلى سىنشى. ۇلى ساياساتكەر. ۇلى ديپلومات. ۇلى ساياحاتشى. ۇلى كۇيشى. ۇلى ءانشى. ۇلى سپورتشى. ۇلى اتا. ۇلى انا. ۇلى اكە. ۇلى ۇل. ۇلى قىز. ۇلى پەرزەنت...  ال ۇلى كوسەم - بولسىن-بولماسىن ءوز الدىنا! «ۇلى»  دەگەن انىقتاما اسىرەسە جازۋشىلار وداعى وتكىزەتىن سالتاناتتى-سالتاناتسىز جيىن-تويلاردا كوپ ايتىلادى. مىسالى، كەشە قالام ۇستاپ وتكەندەردەن بۇگىن قالام ۇستاپ جۇرگەن  ۇلىلار  پالەنباي ەسە كوپ! ءۋايدا!

قۇدايدىڭ بىزگە تاۋەلسىزدىكتى بۇيىرتقانى ءجۇدا جاقسى بولدى-اۋ! قارق ەتىپ بايىپ قالدىق. ەجەلدەن التىنى كوپ ەل باي دەلىنسە، بىزدە ودان باسقامىز دا جەتىپ جاتىر. ماسەلەن:

1. ۇلى اقىن. ۇلى جازۋشى. ۇلى سىنشى. ۇلى ساياساتكەر. ۇلى ديپلومات. ۇلى ساياحاتشى. ۇلى كۇيشى. ۇلى ءانشى. ۇلى سپورتشى. ۇلى اتا. ۇلى انا. ۇلى اكە. ۇلى ۇل. ۇلى قىز. ۇلى پەرزەنت...  ال ۇلى كوسەم - بولسىن-بولماسىن ءوز الدىنا! «ۇلى»  دەگەن انىقتاما اسىرەسە جازۋشىلار وداعى وتكىزەتىن سالتاناتتى-سالتاناتسىز جيىن-تويلاردا كوپ ايتىلادى. مىسالى، كەشە قالام ۇستاپ وتكەندەردەن بۇگىن قالام ۇستاپ جۇرگەن  ۇلىلار  پالەنباي ەسە كوپ! ءۋايدا!

2.  كەمەڭگەر...  و، بىزدە ءتىرى ۇلىلارداي ءتىپ-ءتىرى كەمەڭگەرلەر دە بار! كورگىلەرىڭىز كەلسە، كىتاپ دۇكەندەرىنەن  «قازاقتىڭ كەمەڭگەرلەرى» دەلىنگەن ءنان پلاكات-سۋرەتتەردى ساتىپ الىڭىزدار. ەگەر مەن بىردەڭە سەزسەم، قازىرگى بارى - كەيىن شىعارىلاتىنداردىڭ وننان ءبىر بولىگى. بۇل بولىكتەگى كەمەڭگەرلەرىمىز: ءاليحان بوكەيحانوۆ، احمەت بايتۇرسىنوۆ، دينا نۇرپەيىسوۆا، مۇحتار اۋەزوۆ، قانىش ساتباەۆ، باۋىرجان مومىشۇلى، دىنمۇحاممەد قوناەۆ، ولجاس سۇلەيمەنوۆ، نۇرسۇلتان نازارباەۆ، توقتار اۋباكىروۆ! بارەكەلدى مە؟..  مەن، ماسەلەڭكي، العاشقى التاۋدىڭ ءجونىن بىلەمىن، ال سوڭعى تورتەۋىنىڭ ءجونىن ءالى بىلمەيمىن. توقتاردى ايتساق، ونىڭ، كەمەڭگەر بولماسا دا، جۇرەك جۇتقان باتىر ەكەنى اۆياتسيادان، كوسموناۆتيكادان حابارى بارلارعا جاقسى ءمالىم. ۇشقىش-سىناقشى شەبەرلىگى مەن باتىلدىعى ءۇشىن «سوۆەت وداعىنىڭ باتىرى» اتاعىن ەكى-ءۇش رەت بەرسە دە، ءتىپتى كوپتىك ەتپەيدى دە ەكەن، ە، مەيلى، ءبىر رەت بەرگەندەرىنە جانە «قازاقستاننىڭ حالىق قاھارمانى»  دەلىنگەنىنە شۇكىرشىلىك!

ديمەكەڭ تۋرالى  ازىرشە ەشتەڭە ايتقىم كەلمەيدى، بىلەتىنىم: ءبىر باسىنا جەتەرلىك اعاتتىعى بولعانى.

و. سۇلەيمەنوۆ شە؟  باسپاسوزدە جازىلعانىنداي، تاۋەلسىزدىكتىڭ ەكىنشى جىلىندا-اق «قازاق ۇلتىنىڭ قايتا تۇلەۋىنە» («ۆوزروجدەنيە كازاحسكوي ناتسي») قارسى شىققانى، ورىس تىلىنە مەملەكەتتىك مارتەبە بەرىلۋىن تالاپ ەتىپ جۇرگەنى، «نەۆادا-سەميپالاتينسك» اكتسيونەرلىك قوعامىنىڭ قارجىسىن تالان-تاراجعا سالعانى، كەشە عانا: «1932-1933 جىلدارداعى اشتىق جونىندە ەشتەڭە جازبادى» دەپ قازاق ادەبيەتىن، اقىن-جازۋشىلارىمىزدىڭ ءولىسىنىڭ ارۋاعىن، ءتىرىسىنىڭ ءوزىن قورلاعان كورگەنسىزدىگى ءۇشىن كەمەڭگەر مە؟! الدە بيلىكتىڭ          ە. ەرتىسباەۆتان كەيىنگى ەكىنشى بۇلبۇلى بولىپ: «قازاقتا شەكارا بولماعان، قازىرگى شەكاراسىندا مەملەكەتى بولماعان» دەگەنى ءۇشىن بە؟

وسىنداي سوراقىلىقتى كورگەن ماعان: ءسىرا، قازاقتان كىم-كىمدى كەمەڭگەر ەتۋ ماسەلەسىن سۋرەتشى بۇقارباەۆ ابدىمالىك مىرزا شەشەدى ەكەن، دەگەن وي كەلدى. پورترەت-سۋرەتتەردى سالعان - سول. ءاي، شەشسە شەشەر-اق، سەبەبى ونىڭ: «وزبەكستان رەسپۋبليكاسى مەملەكەتتىك سيلىعىنىڭ لاۋرەاتى» دەپ  باستالعان اتاقتارىن ءتىزىپ شىعۋ ءۇشىن  ءسۇتپىسىرىم ۋاقىت كەرەك.

«اباي-اقپارات»