ءبىزدىڭ قازاق شارشاعاندا دا، بولدىرىپ، قالجىراپ، قاجىپ، تالىپ، ماڭگىرىپ ابدەن ءبىتتى دەسە دە بولادى.

مىنە، شيرەك عاسىردان اسىپ بارادى، وسى مەملەكەتتى قۇرۋشى نەگىزگى ۇلت - ءبىر عانا قازاق ۇلتىنىڭ جاعدايى تۇزەلەتىن ەمەس. بۇكىل ەلدى جەمقورلىق، جەڭ ۇشىنان جالعاسۋشىلىق، مەملەكەتتىڭ بارشا جەر استى جانە جەر ءۇستى قازبا بايلىقتارىن جاپپاي توناۋ جانە «تىستەگەننىڭ اۋزىنا، ۇستاعاننىڭ قولىنا» بەرە سالۋ، قازاق جەرىن شەتەلدىكتەرگە قالاي دا ساتۋعا تالپىنعان بيلىكتىڭ بەت الىسى جامان، مەكتەپتەرگە زورلاپ ەنگىزىلگەن ءۇش تىلدىلىك، تەلەارنالاردى جاۋلاپ العان ارسىزدىق، ۇياتسىزدىق، نامىسسىزدىق، نەگىزىنەن قازاقتار تۇراتىن اۋىلداردىڭ قۇرىپ بارا جاتۋى، ت.ب. سۇمىراي زاڭسىزدىقتار ەندەپ العالى قاشان!..

جۇمىسسىزدىق، تىلسىزدىك، دىنسىزدىك، ازعىندىق، ۇمىتسىزدىك، اسىرەسە ۇلت ەرتەڭى – قازاق جاستارىن ەزىپ، جانشىپ، توز-توزىن شىعارىپ، باستارى اۋعان جاققا تەنتىرەتىپ جىبەرگەن دەسە دە بولادى...

اشىعىن ايتقاندا، قازاقتان باسقانىڭ ءبارى باي، قازاقتىڭ ءتىلىن مەنسىنبەيتىندەردىڭ بارلىعى دەرلىك بيلىكتە.

بۇدان قازاق قالاي قۇتىلادى؟

تاياۋدا عانا اقش جاريالاعان «كرەمل ءتىزىمى» ۇلى كورشىمىز بيلىگىنىڭ باسىنا ۇيىرىلگەن قارالى بۇلت دەسە دە بولادى. ورەكەڭدەر باسىنا ۇيىرىلگەن ول قارا بۇلت ورىس حالقىن جاپپاي كوشەگە الىپ شىعاتىن ءسات تە الىس ەمەس سياقتى...

تۋراسىن ايتقاندا بۇل ورىس بيلىگىنىڭ باسىنا تۇسكەلى تۇرعان قارا داۋىل جاعدايدىڭ اينا-قاتەسىز كوشىرمەسى بىزدە دە قايتالاناتىن كۇن الىس ەمەس دەيدى ساراپشىلار. مۇندايدى ءبىزدىڭ قازاق باياعى دا اق: «مىڭ اسقانعا ءبىر توسقان» دەپ ايتىپ قويعان. تويۋ دەگەندى، ۇيات دەگەندى بىلمەيتىن قۇل-قۇتانداردىڭ جەر بەتىنەن تىپ-تيپىل جوعالاتىن كۇنى جاقىنداپ كەلە مە، ول جاعىن مەن تاپ باسىپ ايتا المايمىن. بارىنە ۋاقىت تورەشى...

توق ەتەرىن ايتقاندا، اقش «كرەمل ءتىزىمىنىڭ» قارا داۋىلى ءبىزدى اينالىپ وتپەيتىن سياقتى...

جۇماش كوكبورى

Abai.kz