ەلتىلەك قالامبايۇلى. ساياسي جۇت...
ساياسي جۇت. ءدال قازىر ەلىمىزدە «جانتىقتاردىڭ» جاندالباسالاپ جاساپ جاتقان بەت قىزارتار ناۋقانىن وسىلاي دەمەسكە لاجىڭ جوق...
ءتىپتى، پارلامەنت ەلباسىنىڭ وكىلەتتىلىگىن 2020-نشى جىلعا دەيىن ۇزارتۋ تۋرالى ۇسىنىسىنىڭ ءوزىن پرەزيدەنت قابىلدامايتىنىن، قولدامايتىنىن ايتىپ ارنايى جارلىققا قول قويدى. بىراق، جاعىمپازداردىڭ جارىسى توقتار ەمەس.
سونىمەن، الاشاپقىن بولعان رەفەرەندۋم وتكىزۋگە ەسى كەتكەندەردىڭ ەسەرسوقتاۋ، ەسسىزدەۋ تىرلىگىنە توقتالايىق.
ەرلان سىدىقوۆ دەگەن بىرەۋ باستاعان باستاماشىل توپ تىماعىن اسپانعا اتا جار سالىپ، جۇرەكتەرى جارىلا قۋانىپ جاتىر. ويتپەگەندە شە؟! ونىڭ سوزىنە سەنسەك، پرەزيدەنت ن.نازارباەۆتى 2020 جىلعا دەيىن «تاقتا» قالدىرۋدى قولداپ، رەفەرەندۋم وتكىزۋدى قۇپتايتىنداردىڭ سانى ەكى جارىم ميلليوننان اسقان. ءسوز ەتىپ وتىرعان جىگىتتىڭ ەڭبەگى ەلەنىپ، ەرتەڭ بوكسەسى جۇمساق بىلعارى ورىندىققا ءتيىپ جاتسا تاڭ قالماڭىز...
سوڭعى كەزدەرى سانداعان باعدارلاما قابىلداندى. ۇكىمەت قۇجاتتاردى جۇزەگە اسىرۋدان گورى ماقۇلداۋعا قۇمار. ماسەلەنكي، سولاردىڭ بىرەر پاراسىن الىپ قارايىق: «بيزنەستىڭ جول كارتاسى-2020»، «قازاقستاننىڭ 2020 جىلعا دەيىنگى ستراتەگيالىق دامۋ جوسپارى»، «يندۋستريالاندىرۋ كارتاسى-2020»، ءتىپتى، ءبىلىم بەرۋدى دامىتۋ باعدارلاماسى دا 2020 جىلعا بارىپ بىراق تىرەلەدى... «2020» دەگەن ساننىڭ نەگە قاپتاپ كەتكەنىن قۋ ءىشىڭىز سەزىپ وتىرعان بولار....
ساياسي جۇت. ءدال قازىر ەلىمىزدە «جانتىقتاردىڭ» جاندالباسالاپ جاساپ جاتقان بەت قىزارتار ناۋقانىن وسىلاي دەمەسكە لاجىڭ جوق...
ءتىپتى، پارلامەنت ەلباسىنىڭ وكىلەتتىلىگىن 2020-نشى جىلعا دەيىن ۇزارتۋ تۋرالى ۇسىنىسىنىڭ ءوزىن پرەزيدەنت قابىلدامايتىنىن، قولدامايتىنىن ايتىپ ارنايى جارلىققا قول قويدى. بىراق، جاعىمپازداردىڭ جارىسى توقتار ەمەس.
سونىمەن، الاشاپقىن بولعان رەفەرەندۋم وتكىزۋگە ەسى كەتكەندەردىڭ ەسەرسوقتاۋ، ەسسىزدەۋ تىرلىگىنە توقتالايىق.
ەرلان سىدىقوۆ دەگەن بىرەۋ باستاعان باستاماشىل توپ تىماعىن اسپانعا اتا جار سالىپ، جۇرەكتەرى جارىلا قۋانىپ جاتىر. ويتپەگەندە شە؟! ونىڭ سوزىنە سەنسەك، پرەزيدەنت ن.نازارباەۆتى 2020 جىلعا دەيىن «تاقتا» قالدىرۋدى قولداپ، رەفەرەندۋم وتكىزۋدى قۇپتايتىنداردىڭ سانى ەكى جارىم ميلليوننان اسقان. ءسوز ەتىپ وتىرعان جىگىتتىڭ ەڭبەگى ەلەنىپ، ەرتەڭ بوكسەسى جۇمساق بىلعارى ورىندىققا ءتيىپ جاتسا تاڭ قالماڭىز...
سوڭعى كەزدەرى سانداعان باعدارلاما قابىلداندى. ۇكىمەت قۇجاتتاردى جۇزەگە اسىرۋدان گورى ماقۇلداۋعا قۇمار. ماسەلەنكي، سولاردىڭ بىرەر پاراسىن الىپ قارايىق: «بيزنەستىڭ جول كارتاسى-2020»، «قازاقستاننىڭ 2020 جىلعا دەيىنگى ستراتەگيالىق دامۋ جوسپارى»، «يندۋستريالاندىرۋ كارتاسى-2020»، ءتىپتى، ءبىلىم بەرۋدى دامىتۋ باعدارلاماسى دا 2020 جىلعا بارىپ بىراق تىرەلەدى... «2020» دەگەن ساننىڭ نەگە قاپتاپ كەتكەنىن قۋ ءىشىڭىز سەزىپ وتىرعان بولار....
ءجا، سونىمەن رەفەرەندۋم جايىنا ورالايىق. قۇپتاۋشىلاردىڭ قولىن جيناۋ تۋرالى اڭگىمە شىققاندا ايماقتارداعى بيلىك بيشىكەشتەرى جەردەن جەتى قويان تاپقانداي قۋاندى. «مارەگە» العاشقى بولىپ جەتىپ، كوزگە ءتۇسۋ ءۇشىن ەتەكتەرى دالاقتاپ شابا جونەلدى. شەنەۋنىكتەر باسكە ءتۇسىپ، «قىزىل ماي» بولماسقا ءاددى جوق. بۇل ولار ءۇشىن ارزان ۇپاي جيناۋعا تاپتىرمايتىن دۇنيە. ارتتا قالعان ءوڭىر باسشىسىنىڭ ماڭدايىنان پرەزيدەنتتىڭ سيپاي قويماسى، تۇرتپەككە تۇسەرى حاق. جەرگىلىكتى بيلىكتىڭ شاش ال دەسە باس الاتىن ءابجىل «جاندايشاپتارى» بارلىق جەردە جينالىس وتكىزىپ، جان قويماي جاتىر. جۇرتشىلىققا جاپپاي قول قويدىرۋدا. بۇقارا ءۇشىن بۇل تالقىلانبايتىن ماسەلە. اسىرەسە، اۋىلدىق جەرلەردە. قولىڭدى قويساڭ دا، قويماساڭ دا قوياسىڭ.
«اگەنت» دەگەن جاقسى بولدى. ءار وڭىردەگى، قالاداعى جانە اۋدان، اۋىلدارداعى تامىر-تانىستىڭ تامىرىن باسىپ كوردىك. اۋىلدى جەردىڭ باسىم كوبىندە قارا حالىقتى جانالقىمنان الىپ جاڭا جىلعا دەيىن قول قويدىرىپ الىپتى. ال اتىن اتاماۋدى وتىنگەن قالادا تۇراتىن تانىس مۇعالىم «جيىرما ادامنان قول جينايسىڭ» دەپ باستىعى بۇيىرىپ، جاڭا جىلعا دەيىن اقىرعان ايازدا ءۇسىپ-توڭىپ ءبىراز تەنتىرەگەنىن ايتتى. ول سونداي-اق باستىعىنىڭ «جاڭا جىلعا دەيىن جوعارىدان تاپسىرىلعان قولدى جيناماساق، وبلىسىمىز ارتتا قالىپ قويادى» دەپ مۇعالىمدەردىڭ ەكى اياعىن ءبىر ەتىككە تىققانىن دا جاسىرمادى. ارينە، ءوز ەركىمەن قول قويىپ جاتقان «حابار» باستاعان «وداشىل» تەلەارنالاردىڭ «قۇرباندارى» دا مىڭداپ سانالادى. ايتكەنمەن، جەرگىلىكتى بيلىكتىڭ قالىڭ جۇرتشىلىق پەن ستۋدەنتتەر، مەملەكەتتىك قىزمەتكەرلەر، زەينەتكەرلەر سونداي-اق بيۋدجەت سالاسى ماماندارىنىڭ اپشىسىن قۋىرىپ جاتقانى بەلگىلى بولدى. كەيبىر قول قويعىسى كەلمەگەندەرگە قىسىم دا جاسالعان. ايتپاقشى، ءبىزدىڭ ءۇيدىڭ ەسىگىن دە قول جيناۋشىلاردىڭ ءبىرى قاقتى. ايازدان بەتى دومبىققان، ءتۇرى شارشاڭقى ورتا جاستاعى ايەل ادامدى مۇعالىم بولار دەپ توپشىلادىق. ويتكەنى، قول قويا المايتىنىمىزدى ايتقاندا اۋىر ءبىر كۇرسىندى دە ەشتەمە دەمەستەن بۇرىلىپ كەتە بەردى. بالكىم بەلسەندى توپتىڭ ءبىرى بولعاندا، «پرەزيدەنتتىڭ سامميت وتكىزىپ، قازاقستاندى دەموكراتيانىڭ داڭعىلىنا ءتۇسىرىپ، ادام قۇقىعىنىڭ اياققا تاپتالمايتىنىن ايتىپ، حالىقتىڭ اۋزىنان «اق ماي اعىپ» جاتقانىن «جىرلاپ»، ەسىك تۇتقاسىنا جابىسىپ تۇرىپ الار ما ەدى...
سونىمەن نە كەرەك، ولجاس سۇلەيمەنوۆ باستاعان «بۇلبۇلدار» جاڭا باستامانىڭ باستى كەيىپكەرلەرى رەتىندە «رولدەرىن» مىعىم ويناپ جاتىر. «رەفەرەندۋم وتكىزۋ كەرەك» دەپ ەلىرىپ، ەكى يىعىن جۇلىپ جەپ، ەتەگىنە سۇرىنە جازداپ جۇگىرىپ جۇرگەن جاعىمپازدارعا قاراپ تۇيگەن ويىمىز مىناۋ: بۇل اقوردا تاراپىنان شىققان جۇتاڭ ءارى ۇياتقا قالدىراتىن باستاما. ءبىر جاعىنان حالىقتىڭ تامىرىن باسا وتىرىپ، رەفەرەندۋم وتكىزۋگە جەرگىلىكتى بيلىكتىڭ قانشالىقتى دايىن ەكەنىن تەكسەرۋگە ارنالعان ستسەناري. قالاي دەگەنمەن دە، بۇگىنگى بيلىك ءۇشىن رەفەرەندۋم وتكىزۋ مىڭدا ءبىر تاپتىرمايتىن ءتيىمدى ءتاسىل.
ر.S: تاعى ءبىر ايتار، جەر-جەردەگى شولاق بەلسەندىلەر حالىقتىڭ اتىنان سويلەپ جاتىر، سويلەپ جاتىر. بيلىك تەلەارنالارىن قوسىپ قالساڭ بولدى، «حالىق رەفەرەندۋم وتكىزۋدى قولدايدى، جۇرت قۋانا قۇپتاپ جاتىر» دەگەن سوزدەردەن قۇلاق سارسىلادى. ايتپاقشى، بيلىككە قارا حالىق اتىنان كەز-كەلگەن شەشىمدى قابىلداي سالۋ تۇك ەمەس...
«اباي-اقپارات»
