ەكى مەملەكەت ۇلكەن سۇرانىسقا يە مۇناي حيمياسى جانە اگروونەركاسىپ سالالارى ءۇشىن مامان دايىنداۋعا ەرەكشە نازار اۋدارىپ وتىر. جاستاردى وقىتىپ قانا قويماي، پروفەسسورلىق-ۇستازدىق قۇرام اراسىندا بايلانىستى ارتتىرۋ كوزدەلىپ وتىر. قازاقستاندىق جوعارى وقۋ ورىندارى بازالارىنىڭ بىرىندە تەحنوپارك قۇرىلادى. سونىمەن بىرگە ديپلومداردى مويىنداۋ مەحانيزمى جەڭىلدەتىلەدى.

"ديپلومداردى مويىنداۋدىڭ، ستراتيفيكاتسيالاۋدىڭ ستاندارت شارالارى بار. بۇل ماسەلەدە كوپ قيىندىق بولا قويماس. قازاقستان جانە وزبەكستان وقۋ ورىندارىندا ءبىلىم الىپ جاتقانداردى جۇمىسپەن قامتۋدا قيىنشىلىق بولمايدى", - دەپ مالىمدەدى ينوم مادجيدوۆ.

قازىردىڭ وزىندە شامامەن 20-عا جۋىق عىلىم مەكەمەلەرى ارىپتەستىك تۋرالى كەلىسىمدەر قابىلدادى. جاقىن ۋاقىتتا ەكى ەلدىڭ جوعارى وقۋ ورىندارىنىڭ اقپاراتتىق ورتالىعىن اشۋ كوزدەلگەن.

"بۇل رەتتە بىرلەسكەن عىلىمي جۇمىستارعا ەرەكشە نازار اۋدارىلادى. مۇناي حيمياسى، اگرارلى سەكتوردا قازاقستاننىڭ دا، وزبەكستاننىڭ دا تاجىريبەسى مول", - دەدى قازاقستاننىڭ وزبەكستانداعى ەلشىسى ەرىك وتەمباەۆ.

Abai.kz