استانا. 12 قاڭتار. قازتاگ - ءماجىلىس دەپۋتاتتارى سارسەنبى كۇنى القا وتىرىسىندا «مەدياتسيا تۋرالى» زاڭعا سەناتورلار ەنگىزگەن تۇزەتۋلەرمەن كەلىستى. وسىلايشا، رەگلامەنت بويىنشا زاڭ قابىلداندى دەپ ەسەپتەلىپ، مەملەكەت باسشىسىنا قول قويۋعا جىبەرىلەدى.

سەناتورلاردىڭ تۇزەتۋلەرى نەگىزىنەن ناقتىلاۋ جانە رەداكتسيالىق سيپاتتاعى تۇزەتۋلەر بولدى. قابىلدانعان زاڭ قازاقستاندا مەدياتسيا ينستيتۋتىن - داۋ-دامايدى بەيتاراپ ءۇشىنشى جاق - مەدياتورلاردىڭ ارالاسۋىمەن شەشۋدىڭ بالاما ءتۇرىن ەنگىزۋدى قاراستىرادى. ول تاراپتاردىڭ ىمىراعا كەلۋگە سەپتىگىن تيگىزبەكشى.

بۇرىن جوعارعى سوت توراعاسى مۇسابەك الىمبەكوۆ حابارلانعانداي، «قۇجات مەدياتسيا تۇسىنىگىن اشادى، ونىڭ نەگىزگى ۇستانىمدارىن بەكىتەدى، قولدانۋ سالاسىن، مەدياتسيا پروتسەدۋراسىنىڭ كەپىلدىگىن، مەدياتورلاردىڭ قۇقىقتىق مارتەبەسىن، مەدياتورلارعا دەگەن تالاپتاردى، مەدياتسيا جۇرگىزۋ ءتارتىبىن، مەدياتورلاردىڭ قىزمەتىن تولەۋ ت.ب. تۇستارىن ايقىندايدى».

استانا. 12 قاڭتار. قازتاگ - ءماجىلىس دەپۋتاتتارى سارسەنبى كۇنى القا وتىرىسىندا «مەدياتسيا تۋرالى» زاڭعا سەناتورلار ەنگىزگەن تۇزەتۋلەرمەن كەلىستى. وسىلايشا، رەگلامەنت بويىنشا زاڭ قابىلداندى دەپ ەسەپتەلىپ، مەملەكەت باسشىسىنا قول قويۋعا جىبەرىلەدى.

سەناتورلاردىڭ تۇزەتۋلەرى نەگىزىنەن ناقتىلاۋ جانە رەداكتسيالىق سيپاتتاعى تۇزەتۋلەر بولدى. قابىلدانعان زاڭ قازاقستاندا مەدياتسيا ينستيتۋتىن - داۋ-دامايدى بەيتاراپ ءۇشىنشى جاق - مەدياتورلاردىڭ ارالاسۋىمەن شەشۋدىڭ بالاما ءتۇرىن ەنگىزۋدى قاراستىرادى. ول تاراپتاردىڭ ىمىراعا كەلۋگە سەپتىگىن تيگىزبەكشى.

بۇرىن جوعارعى سوت توراعاسى مۇسابەك الىمبەكوۆ حابارلانعانداي، «قۇجات مەدياتسيا تۇسىنىگىن اشادى، ونىڭ نەگىزگى ۇستانىمدارىن بەكىتەدى، قولدانۋ سالاسىن، مەدياتسيا پروتسەدۋراسىنىڭ كەپىلدىگىن، مەدياتورلاردىڭ قۇقىقتىق مارتەبەسىن، مەدياتورلارعا دەگەن تالاپتاردى، مەدياتسيا جۇرگىزۋ ءتارتىبىن، مەدياتورلاردىڭ قىزمەتىن تولەۋ ت.ب. تۇستارىن ايقىندايدى».

«مەدياتسيانى قولدانۋ - ازاماتتىق-قۇقىقتىق قارىم-قاتىناستاردا تۋىندايتىن قۇقىق تۋرالى داۋ-دامايدى رەتتەگەندە، ونىڭ ىشىندە كاسىپكەرلىك جانە باسقا دا ەكونوميكالىق قىزمەتتى جۇزەگە اسىرۋعا بايلانىستى داۋ-دامايدى، ەڭبەك جانە وتباسىلىق قۇقىق بۇزۋشىلىققا قاتىستى، جەكە جانە (نەمەسە) زاڭدى تۇلعالاردىڭ قاتىسۋىمەن تۋىندايتىن باسقا دا جەكە داۋ-دامايدى، سونداي-اق قىلمىستىق-قۇقىقتىق قارىم-قاتىناس سالاسىنداعى كىشىگىرىم جانە  ورتاشا اۋىرتپالىقتاعى قىلمىستىق ىستەرگە قاتىستى داۋدى رەتتەگەندە قولدانىلادى»، - دەلىنگەن قۇجاتتا.

ودان باسقا، ماجىلىسمەندەر سونداي-اق «مەدياتسيا ماسەلەلەرى بويىنشا قر جەكەلەگەن زاڭنامالىق اكتىلەرىنە وزگەرتۋلەر مەن تۇزەتۋلەر ەنگىزۋ تۋرالى» ىلەسپە زاڭىنا سەناتورلاردىڭ ۇسىنىسىمەن كەلىستى.

زاڭمەن ازاماتتىق پروتسەسسۋالدىق كودەكسكە، قىلمىستىق پروتسەسسۋالدىق كودەكسكە، سونداي-اق اكىمشىلىك قۇقىق بۇزۋشىلىق تۋرالى كودەكسكە، «قر جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» قر زاڭىنا بىرقاتار تۇزەتۋلەر ەنگىزىلەدى.