استانادا وتەتىن سيريا جونىندەگى كەلىسسوز كەيىنگە قالدىرىلدى
استانادا وتەتىن سيريا جونىندەگى كەزەكتى كەلىسسوز رەسەي، يران جانە تۇركيانىڭ سىرتقى ىستەر مينيسترلەرىنىڭ كەزدەسۋىنەن كەيىن وتەدى. بۇل كەزدەسۋ كەلەسى ايدا جوسپارلانىپ وتىر دەدى قازاقستاننىڭ سىرتقى ىستەر ءمينيسترى قايرات ءابدىراحمانوۆ.
سوڭعى رەت بىلتىر 21-22 جەلتوقساندا استانادا كەزدەسكەن بىتىمگەرلەر اقپان ايىندا تاعى باس قوسامىز دەپ كەلىسكەن. ايدىڭ باسىندا دا ءابدىراحمانوۆ مىرزا اقپان ايىنىڭ 20-دا جاڭا كەلىسسوزگە دايىندالىپ جاتىرمىز دەگەن.
«استانا پروتسەسىندەگى كەپىل مەملەكەتتەر — رەسەي، تۇركيا جانە يران الدىمەن سىرتقى ىستەر مينيسترلەردىڭ باسىن قوسۋدى جوسپارلاپ وتىر. بۇل كەزدەسۋ دە استانادا ءوتۋى مۇمكىن»، -دەدى ول.
قازاقستان سىرتقى ىستەر ءمينيسترىنىڭ سوزىنشە، تاياۋ شىعىستاعى قازىرگى جاعدايلارعا بايلانىستى ءبارىنىڭ جۇمىس كەستەلەرى وتە تىعىز. سول سەبەپتەن كەزدەسۋلەر ناۋرىز ايىندا جوسپارلانۋى مۇمكىن.
Abai.kz
