بۇل تۋرالى Bloomberg اگەنتتىگىنە زارداپ شەككەندەردىڭ ەكى تانىسى قۇپيا تۇردە حابارلاعان. مالىمەتتەرگە قاراعاندا، قازا بولعاندار سانى وسكەنن، ويتكەنى بىرنەشە ناۋقاس اسا اۋىر جاراقاتپەن تۇسكەن.

7 اقپاندا اقش-تىڭ دەير-ەز-زور پروۆينتسياسىنداعى اۋە سوققىسىنان سيريا پرەزيدەنتى باشار اساد جاعىندا سوعىسقان 100-دەن 500-گە دەيىن قارۋلى جاۋىنگەر قازا بولدى. ءتۇرلى مالىمەتتەرگە قاراعاندا، "ۆاگنەر جەكەمەنشىك اسكەري كومپانياسىنىڭ" قۇرامىنداعى جۇزدەگەن رەسەيلىك وپات بولعان. قورعانىس مينيسترلىگى رەسەي ازاماتتارىنىڭ قازاسىن جاسىرىپ وتىر. مينيسترلىك اۋە سوققىسى جاسالعان اۋداندا رەسەيلىك جاۋىنگەرلەر بولعان جوق دەيدى.

سيريادا حالىقارالىق كواليتسياسىنىڭ سوققىسىنان رەسەيلىك جالدامالىلار زارداپ شەككەندىگىن امەريكالىق CBS تەلەارناسى پەنتاگونداعى دەرەككوزىنە سىلتەمە جاساپ حابارلادى. جالدامالى توپ حيشام ەلدى مەكەنىندە بولعان، ولار مۇناي كەنىشىن باسىپ الۋعا تالپىنعان دەلىنەدى. امەريكالىق قولباسشىلىق قازا بولعاندار اراسىندا رەسەيلىكتەر بار-جوعىن بىلمەيدى. پەنتاگوننىڭ مالىمدەۋىنشە، سوققى جاساردان بۇرىن امەريكالىق قولباسشىلىق رەسەيلىك اسكەر قىزمەتكەرلەرىنە حابارلاسقان، ولار شابۋىلداۋشىلار اراسىندا رەسەيلىكتەر جوق دەگەن.

14 اقپاندا كەشكىسىن "ۆاگنەر جەكەمەنشىك اسكەري كومپانياسىنداعى" جەتى رەسەيلىكتىڭ اۋە سوققىسىنان قازا تاپقانى ءمالىم بولدى.

Abai.kz