قازاقستان رەسپۋبليكاسىنىڭ رەسپۋبليكالىق رەفەرەندۋمعا قاتىسۋ قۇقىعى بار، رەسپۋبليكالىق رەفەرەندۋمدى تاعايىنداۋ تۋرالى باستاماشىلىق بىلدىرگەن ازاماتتارى قولدارىنىڭ راستىعىن تەكسەرۋ ناتيجەلەرى تۋرالى حابارلاما

قازاقستان رەسپۋبليكاسىنىڭ رەسپۋبليكالىق رەفەرەندۋمعا قاتىسۋ قۇقىعى بار، رەسپۋبليكالىق رەفەرەندۋمدى تاعايىنداۋ تۋرالى باستاماشىلىق بىلدىرگەن ازاماتتارى قولدارىنىڭ راستىعىن تەكسەرۋ ناتيجەلەرى تۋرالى حابارلاما

2011 جىلعى 13 قاڭتاردا قازاقستان رەسپۋبليكاسىنىڭ «رەسپۋبليكالىق رەفەرەندۋم تۋرالى» كونستيتۋتسيالىق زاڭىنىڭ 16-بابىنا سايكەس، وبلىستىق، استانا جانە الماتى قالالىق سايلاۋ كوميسسيالارىنىڭ حاتتامالارى نەگىزىندە، قازاقستان رەسپۋبليكاسىنىڭ ورتالىق سايلاۋ كوميسسياسى قازاقستان رەسپۋبليكاسىنىڭ رەسپۋبليكالىق رەفەرەندۋمعا قاتىسۋ قۇقىعى بار، رەسپۋبليكالىق رەفەرەندۋمدى تاعايىنداۋ تۋرالى باستاماشىلىق بىلدىرگەن ازاماتتارى قولدارىنىڭ راستىعىن تەكسەرۋ ناتيجەلەرى تۋرالى قورىتىندى حاتتامانى بەكىتتى.
باستاماشىل توپ دۇرىستىعى راستالعان 5 016 367 قول، نەمەسە قازاقستان رەسپۋبليكاسىنىڭ رەسپۋبليكالىق رەفەرەندۋمعا قاتىسۋ قۇقىعى بار ازاماتتارى جالپى سانىنىڭ 55,2 % قولىن، جيناعان. بۇل رەفەرەندۋم وتكىزۋ تۋرالى باستاماشىلىق ءبىلدىرۋ ءۇشىن قاجەت ساننىڭ زاڭمەن كوزدەلگەن مولشەرىنەن ايتارلىقتاي دەڭگەيدە ارتىق.
«رەسپۋبليكالىق رەفەرەندۋم تۋرالى» كونستيتۋتسيالىق زاڭىنىڭ 16-بابىنىڭ 2-تارماعىنا سايكەس، «ءسىز رەسپۋبليكالىق رەفەرەندۋمدا قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان ءابىشۇلى نازارباەۆتىڭ پرەزيدەنتتىك وكىلەتتىكتەرى مەرزىمىن 2020 جىلعى 6 جەلتوقسانعا دەيىن ۇزارتاسىز با؟» دەگەن ماسەلە بويىنشا رەسپۋبليكالىق رەفەرەندۋم وتكىزۋ تۋرالى ۇسىنىس جانە ورتالىق سايلاۋ كوميسسياسىنىڭ ازاماتتاردىڭ قولدارىنىڭ راستىعىن تەكسەرۋ ناتيجەلەرى تۋرالى قورىتىندى حاتتاماسى قازاقستان رەسپۋبليكاسى پرەزيدەنتىنە جولداناتىن بولادى.

قازاقستان رەسپۋبليكاسى
ورتالىق سايلاۋ كوميسسياسىنىڭ
ءباسپاسوز قىزمەتى