بەك داتۇلى. ەلباسىنىڭ ۆەتوسىن پارلامەنت ەڭسەرىپ كەتتى
پرەزيدەنتتىڭ وكىلەتتىلىگىن 2020-نشى جىلعا دەيىن سوزۋعا ارنالعان رەفەرەندۋمعا پرەزيدەنت نۇرسۇلتان نازارباەۆ قويعان ۆەتونى قازاقستان رەسپۋبليكاسىنىڭ پارلامەنتى ەڭسەرىپ ءوتىپ، رەفەرەندۋم وتكىزۋدى ماقۇلدادى.
بۇگىن «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭدى العاشقى وقىلىمىندا-اق قابىلداپ جىبەردى. ەنگىزىلگەن وزگەرىستەر ەلباسىنىڭ وكىلەتتىلىگىن 2020 جىلعا دەيىن سوزۋدى جاقتايتىن رەفەرەندۋم وتكىزۋگە مۇمكىندىك بەرەدى. زاڭدى قولداپ 44 سەناتور مەن 106 ءماجىلىس دەپۋتاتى داۋىس بەرگەن.
زاڭ جوباسى كونستيتۋتسيانىڭ «ەلباسى» ۇعىمىنا ارنالعان 4-بابى 146-تارماعىنا قوسىمشا ەنگىزىپ وتىر.
«قابىلدانعان زاڭ رەفەرەندۋم وتكىزۋگە ناقتى كونستيتۋتسيالىق نەگىز بەرەدى. وسىلايشا ءبىز 5 ملن-عا جۋىق وتانداستارىمىزدىڭ قالاۋىن جۇزەگە اسىرا الدىق. قولداپ داۋىس بەرگەن بارلىقتارىڭىزعا راحمەت» - دەدى ءماجىلىس سپيكەرى ورال مۇحامەدجانوۆ.
پرەزيدەنتتىڭ وكىلەتتىلىگىن 2020-نشى جىلعا دەيىن سوزۋعا ارنالعان رەفەرەندۋمعا پرەزيدەنت نۇرسۇلتان نازارباەۆ قويعان ۆەتونى قازاقستان رەسپۋبليكاسىنىڭ پارلامەنتى ەڭسەرىپ ءوتىپ، رەفەرەندۋم وتكىزۋدى ماقۇلدادى.
بۇگىن «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭدى العاشقى وقىلىمىندا-اق قابىلداپ جىبەردى. ەنگىزىلگەن وزگەرىستەر ەلباسىنىڭ وكىلەتتىلىگىن 2020 جىلعا دەيىن سوزۋدى جاقتايتىن رەفەرەندۋم وتكىزۋگە مۇمكىندىك بەرەدى. زاڭدى قولداپ 44 سەناتور مەن 106 ءماجىلىس دەپۋتاتى داۋىس بەرگەن.
زاڭ جوباسى كونستيتۋتسيانىڭ «ەلباسى» ۇعىمىنا ارنالعان 4-بابى 146-تارماعىنا قوسىمشا ەنگىزىپ وتىر.
«قابىلدانعان زاڭ رەفەرەندۋم وتكىزۋگە ناقتى كونستيتۋتسيالىق نەگىز بەرەدى. وسىلايشا ءبىز 5 ملن-عا جۋىق وتانداستارىمىزدىڭ قالاۋىن جۇزەگە اسىرا الدىق. قولداپ داۋىس بەرگەن بارلىقتارىڭىزعا راحمەت» - دەدى ءماجىلىس سپيكەرى ورال مۇحامەدجانوۆ.
جەلتوقساننىڭ سوڭىندا ورتالىق سايلاۋ كوميسسياسىندا تىركەلگەن باستاماشىل توپ رەفەرەندۋمدى قولدايتىن 5 ملن قازاقستاندىقتىڭ قولىن جيناپ ۇلگەرگەن. رەفەرەندۋمدى پارلامەنتتىڭ قوس پالاتاسى دا قولدادى. الايدا، وتكەن اپتانىڭ سوڭىندا پرەزيدەنت نۇرسۇلتان نازارباەۆ ءوز جارلىعىمەن رەفەرەندۋم وتكىزۋ تۋرالى ۇسىنىستى كەرى قايتارعان. دەگەنمەن، دەپۋتاتتاردىڭ 80 پايىزىنان استامى رەفەرەندۋمدى قولداسا بۇل ۆەتونى ەڭسەرۋگە زاڭ جۇزىندە رۇقسات بار. سوندىقتان سپيكەر ورال مۇحامەدجانوۆ قاڭتاردىڭ 14 -نە پارلامەنتتىڭ قوس پالاتاسىن بىرلەسكەن وتىرىسقا شاقىرعان. اقىرى ولار ءوز دەگەندەرىنە جەتتى.
2010 جىلى 70 جاسقا تولعان ەلباسى ەلدى 20 جىلدان بەرى بيلەپ كەلەدى. 1995 جىلعى رەفەرەندۋم ونىڭ وكىلەتتىلىگىن 1999 جىلعا دەيىن سوزعان. 2012 جىلى تاعى دا پرەزيدەنت سايلاۋى ءوتۋى ءتيىس بولسا، ول سايلاۋدىڭ بولماۋى مۇمكىن.
