الماتى وبلىسى بيىلعى جىلى كارتوپ ءوسىرۋدى وندىرىستىك دەڭگەيدە دامىتۋدى باستاعالى وتىر. بۇل تۋرالى بۇگىن وبلىس اكىمى ا. باتالوۆ تۇرعىندار الدىنداعى ەسەپ بەرۋ جيىنىندا ايتتى، - دەپ حابارلايدى الماتى وبلىسى اكىمىنىڭ ءباسپاسوز قىزمەتى.

كارتوپ وسىرۋگە ماماندانعان رايىمبەك اۋدانىندا وسى جىلى وبلىس باسشىلىعىنىڭ قولداۋىمەن كارتوپ وسىرۋگە ەرەكشە دەن قويىلىپ، ارنايى اۋىل شارۋاشىلىعى تەحنيكالارى ساتىپ الىناتىن 2 سەرۆيستىك-دايىنداۋ ورتالىقتارى قۇرىلاتىن بولادى. بۇل ورايدا يرريگاتسيالىق جۇيەلەردى قالپىنا كەلتىرۋگە دە قولداۋ كورسەتىلمەك. بۇل اۋداندا سىيىمدىلىعى 16 مىڭ توننالىق كوكونىس ساقتاۋ قويمالارى بۇرىننان بار. كارتوپ ءوسىرۋدىڭ قىر-سىرىن جاقسى بىلەتىن كەربۇلاق اۋدانىنىڭ شارۋاشىلىقتارى دا بۇل ىسكە اتسالىساتىن بولادى.

اتاپ وتسەك، ىلە اۋدانىنداعى يندۋستريالدى ايماقتا «فارم فريتس» ترانسۇلتتىق كومپانياسىن تارتا وتىرىپ، كارتوپ وڭدەۋ جۇزەگە اسىرىلماق.

اباي-اقپارات