28 اقپاندا مەملەكەت باسشىسى 40 مانات كولەمىندە اقشالاي سىيلىقتى 1-6 ناۋرىز ارالىعىندا ايەلدەرگە ۇلەستىرۋ تۋرالى جارلىق قابىلدادى.

رەسمي ءباسپاسوزدىڭ حابارلاۋىنشا، سىيلىق كاسىپورىنداردا، مەكەمەلەر مەن ۇيىمداردا جۇمىس ىستەيتىن، سونىمەن بىرگە زەينەتاقى جانە مەملەكەتتىك جاردەماقى الاتىن، اسپيرانتۋرا مەن دوكتورانتۋرادا، كلينيكالىق ورديناتۋرادا وقيتىن ايەلدەرگە، بۇعان قوسا ستۋدەنتتەرگە، وقۋشىلارعا جانە بالالار باقشاسىنداعى تاربيەلەۋشىلەرگە بەرىلەدى.

پرەزيدەنتتىك اقشالاي سىيلىعى تۇركىمەنستاندا ايەلدەرگە جىلدا ۇلەستىرىلەدى. سىيلىقتاردى تابىستاۋ سالتاناتىن ادەتتەگىدەي مەملەكەتتىك تەلەارنالاردان كورسەتەدى.

8 ناۋرىز - حالىقارالىق ايەلدەر كۇنىن 2008 جىلى پرەزيدەنت گۋربانگۋلى بەردىمۇحامەدوۆ قايتادان مەرەكە رەتىندە بەكىتكەن.

Abai.kz