تاجىكستاننىڭ سولتۇستىگىندە وزبەكستاننىڭ بەكاداب وبلىسىمەن شەكارادا ورنالاسقان "حاشتياك-بەكاباد" تەكسەرۋ-وتكىزۋ بەكەتىنىڭ اشىلۋ سالتاناتىنا ەكى ەلدىڭ رەسمي وكىلدەرى مەن جەرگىلىكتى تۇرعىندار قاتىستى، دەپ حابارلادى وزودي راديوسىنىڭ ءتىلشىسى.

تاشكەنت وبلىسى اكىمىنىڭ ورىنباسارى ءاليماردون كارشيەۆتىڭ مالىمدەۋىنشە، بۇگىنگى وقيعا تاجىك-وزبەك قارىم-قاتىناسىنىڭ دامۋىنا ۇلەس قوسادى. تاجىكستان تاراپىنان سوعدى وبلىسى توراعاسىنىڭ ءبىرىنشى ورىنباسارى رۋستام راحماتزودا ءسوز سويلەدى.

"حاشتياك" بەكەتى حۋدجاندقا 60 شاقىرىم جەردە ورنالاسقان. بۇل بەكەتتەن تاشكەنتكە دەيىن اۆتوكولىكپەن ەكى ساعاتتا جەتۋگە بولادى.

1 ناۋرىزدا تاجىك-وزبەك شەكاراسىنداعى "سارازم-جارتەپا", "ۋراتەپپا-كۋشكەنت", "زافاراباد-حاۆوستاباد", "حاۆوتاگ-ۋچتۋرگان" جانە "ناۆبۋنيود-پوپ" بەكەتتەرى دە اشىلدى.

وزبەكستان مەن تاجىكستان قازىر ەكى ەل اراسىنداعى ساۋدا شەكتەۋلەرىن الىپ تاستاۋ ماسەلەسىن تالقىلاپ جاتىر. بۇعان قوسا حالىقارالىق ماڭىزى بار جولدار جوندەلىپ، ۆيزا جۇيەسى جويىلۋى مۇمكىن.

Abai.kz