تاجىكستان پرەزيدەنتى اكىمشىلىگىندەگى دەرەككوزگە قاراعاندا، بۇل كۇندەرى مارتەبەلى قوناقتى كۇتىپ الۋ ءۇشىن دايىندىق جۇمىستارى ءجۇرىپ جاتىر.

«دايىندىق جۇمىستارى ايني كوشەسى بويىندا جانە اۋەجايدا ءجۇرىپ جاتىر. ازىرگە ميرزياەۆ كورتەجىنىڭ اۋەجايدان باس سارايعا قاي كوشەمەن جۇرەتىنى بەلگىسىز. سوندىقتان دايىندىق جۇمىستارى ازىرگە وسى اۋدانداردا ءجۇرىپ جاتىر. جاستاردىڭ قولدارىندا وزبەك جانە تاجىك جالاۋشالارى بولادى»، - دەدى ول.

دايىندىق جۇمىستارىنا قاتىسىپ جاتقان تاجىك ستۋدەنتتەرىنىڭ ءبىرى 9 ناۋرىزدا بارىنە ۇلتتىق كيىم كيۋدى تاپسىرعانىن ايتادى. «دايىندىق جۇمىستارىن ءبىلىم جانە عىلىم ءمينيسترىنىڭ ءوزى كەلىپ قاداعالايدى. جوسپار بويىنشا، كوشەنىڭ ەكى جاعىندا جاستار وزبەكستان پرەزيدەنتىنە «حۋش ومادەد!» (قوش كەلدىڭىز!) دەپ قوشەمەت كورسەتۋىمىز كەرەك»، - دەيدى ستۋدەنت.

تاجىكستان بيلىگى شاۆكات ميرزياەۆتىڭ دۋشانبەگە ساپارى ۇزاق كۇتىلگەن ماڭىزدى وقيعا ەكەنىن جاسىرمايدى. وتكەن اپتادا پرەزيدەنت ەمومالي راحموننىڭ ءباسپاسوز حاتشىسى ابدۋفاتتوح شاريفزودا «بۇل ەكى ەلدىڭ قارىم-قاتىناسىندا بولعان بوگەتتى بۇزاتىن تاريحي وقيعا بولماق» دەگەن.

Abai.kz