اقتوبە. 17 قاڭتار. قازتاگ – اقتوبە قالاسى جوعارى وقۋ ورىندارىنىڭ بىرىندە وقيتىن ەكى ستۋدەنت جىگىت قالالىق «دياپازون» گازەتىنىڭ قىزمەتكەرلەرىنە شابۋىل جاسادى دەگەن كۇدىكپەن ۇستالدى، دەپ حابارلادى وبلىستىق ءىىد-ەن دۇيسەنبى كۇنى.

«زاۆود پوليتسيا ءبولىمىنىڭ قىزمەتكەرلەرى فوتوتىلشىگە قاراقشىلىق شابۋىل جاسادى دەگەن كۇدىكپەن قالاداعى وقۋ ورىندارىنىڭ بىرىندە وقيتىن 2 ستۋدەنت جىگىتتى ۇستادى. 20 جانە 21 جاسار ستۋدەنتتەر ماڭعىستاۋ وبلىسىنىڭ تۋمالارى»، -دەلىنگەن پوليتسيا دەپارتامەنتى ءباسپاسوز-قىزمەتىنىڭ حابارلاماسىندا.

تەرگەۋ ماتەريالدارىنا سىلتەمە جاساعان ءىىد قىزمەتكەرلەرى جابىرلەنۋشىدەن تارتىپ الىنعان ۇيالى تەلەفوندى شابۋىل جاساۋشىلار وزدەرىنىڭ تانىستارىنا ساتقان دەيدى.

«كۇدىكتىلەردىڭ بىرەۋى تۇتقىندالدى، ەكىنشىسى ەشقايدا كەتپەۋ تۋرالى قولحاتپەن بوساتىلدى»، -دەدى دەپارتامەنتتەگىلەر.

اقتوبە. 17 قاڭتار. قازتاگ – اقتوبە قالاسى جوعارى وقۋ ورىندارىنىڭ بىرىندە وقيتىن ەكى ستۋدەنت جىگىت قالالىق «دياپازون» گازەتىنىڭ قىزمەتكەرلەرىنە شابۋىل جاسادى دەگەن كۇدىكپەن ۇستالدى، دەپ حابارلادى وبلىستىق ءىىد-ەن دۇيسەنبى كۇنى.

«زاۆود پوليتسيا ءبولىمىنىڭ قىزمەتكەرلەرى فوتوتىلشىگە قاراقشىلىق شابۋىل جاسادى دەگەن كۇدىكپەن قالاداعى وقۋ ورىندارىنىڭ بىرىندە وقيتىن 2 ستۋدەنت جىگىتتى ۇستادى. 20 جانە 21 جاسار ستۋدەنتتەر ماڭعىستاۋ وبلىسىنىڭ تۋمالارى»، -دەلىنگەن پوليتسيا دەپارتامەنتى ءباسپاسوز-قىزمەتىنىڭ حابارلاماسىندا.

تەرگەۋ ماتەريالدارىنا سىلتەمە جاساعان ءىىد قىزمەتكەرلەرى جابىرلەنۋشىدەن تارتىپ الىنعان ۇيالى تەلەفوندى شابۋىل جاساۋشىلار وزدەرىنىڭ تانىستارىنا ساتقان دەيدى.

«كۇدىكتىلەردىڭ بىرەۋى تۇتقىندالدى، ەكىنشىسى ەشقايدا كەتپەۋ تۋرالى قولحاتپەن بوساتىلدى»، -دەدى دەپارتامەنتتەگىلەر.

«قازىرگى ۋاقىتتا گازەت جۋرناليسىنە قاتىستى قاراقشىلىق شابۋىلدى اشۋ ءۇشىن جەدەل-ىزدەستىرۋ شارالارى جۇرۋدە»، -دەپ اتاپ ءوتتى ءباسپاسوز-قىزمەتىندە.

ءىىد-لەر «دياپازون» گازەتىنىڭ 2 ءجۋرناليسى مەن ءفوتوتىلشىسىن 23 جەلتوقسان كۇنى تۇنگى ساعات 1-لەر شاماسىندا توناعان دەپ ەسكە سالدى.

«تەرگەۋ بارىسىندا انىقتالعانىنداي، جۇمىس كۇنى اياقتالعان سوڭ جوعارىدا اتالعان ادامدار (گازەت قىزمەتكەرلەرى –قازتاگ) كافەگە بارىپ، وزدەرىنىڭ ايتۋلارىنشا ءسپيرتتى ىشىمدىكتەر ءىشىپ، وندا شامامەن تۇنگى ساعات 12-لەرگە دەيىن بولعان. كوشەگە شىققان سوڭ ولار كورشى تۇرعان كافەگە بارعان، بىراق ول جابىق بولعان. بۇدان سوڭ ولاردىڭ ەكەۋى اشىق تۇرعان ازىق-تۇلىك دۇكەنىن ىزدەگەن. ول جەردە بەيتانىس جاس جىگىتتەردى كەزدەستىرىپ قالىپ، ولارمەن ارالارىندا ەرەگىس تۋىپ كەتكەن. اقىرىندا  بەيتانىس جىگىتتەر ولاردى سوققىعا جىعىپ، ۇيالى تەلەفونى مەن باس كيىمىن تارتىپ العان»، -دەلىنگەن اقپاراتتا.

جابىرلەنۋشى ءۇشىنشى ادام – جۋرناليسكە قاتىستى دەپارتامەنتتەگىلەردىڭ ايتۋىنشا، ول پاتەر جالداپ تۇرىپ جاتقان «شانحاي» تاراپىنا جاياۋ كەتكەن.

«رىسقوۇلوۆ جانە ۆاۆيلوۆ كوشەلەرىنىڭ قيىلىسىندا بەلگىسىز بىرەۋ انىقتالماعان بەلگىسىز زاتپەن ونى ۇرىپ، ەسىنەن تاندىرىپ، ۇيالى تەلەفونى مەن رەداكتسيانىڭ فوتواپپاراتىن الىپ كەتكەن»، -دەدى ءىىد-لەر تەرگەۋ ماتەريالدارىنا سىلتەمە جاساي وتىرىپ.

پوليتسياداعىلار قىلمىستىڭ ءىزىن سۋىتپاي اشۋعا مۇمكىندىك بولمادى دەيدى.

«جۋرناليست شابۋىل جاسالعانى جايىندا ءبىر ساعاتتان سوڭ ارىزداندى. قالانىڭ وزگە اۋدانىندا شابۋىلعا تاپ بولعان ونىڭ ارىپتەسى ارادا ءبىر تاۋلىك وتكەن سوڭ عانا پوليتسياعا شاعىمداندى. ءۇشىنشى جابىرلەنۋشى ارىز جازۋدان باس تارتتى. بۇدان بولەك، ولاردىڭ ەشقايسىسى دا شابۋىل جاساۋشىلاردىڭ بەت-بەينەسىن سيپاتتاپ بەرە المادى»، -دەپ ءتۇسىندىردى پوليتسەيلەر