ەلباسى بۇگىن پارلامەنتتەگى قوس پالاتانىڭ بىرلەسكەن وتىرىسىندا قازاقستان ازاماتتارىن باسپانامەن قامتاماسىز ەتۋدى جەڭىلدەتۋ تۋرالى تاپسىردى. پرەزيدەنتتىڭ پارمەنى بويىنشا الداعى ۋاقىتتا باسپاناسىز جۇرگەن ازاماتتار ءۇشىن العاشقى جارنا تولەمىن 20%-عا دەيىن جەڭىلدەتىپ، 25 جىلعا 7%-بەن يپوتەكا بەرۋدى تاپسىردى.

«ءبىز وتكەن جىلى 11,2 ملن شارشى مەتر تۇرعىن ءۇي سالدىق. بۇل بۇرىن-سوڭدى قول جەتكىزبەگەن رەكوردتىق كورسەتكىش. بىراق مۇنىڭ ءوزى ازدىق ەتەدى، ءالى دە باسپاناسىز جۇرگەن ازاماتتار جەتكىلىكتى» دەدى مەملەكەت باسشىسى. وسى رەتتە مەن «7-20-25» باعدارلاماسىن ىسكە قوسۋدى ۇسىنامىن. ياعني، ءاربىر جۇمىس ىستەيتىن قازاقستاندىق  تەڭگەمەن يپوتەكالىق زايمدى كەلەسى شارتتارمەن  الۋ مۇمكىندىگىنە يە بولادى.  اتالعان باعدارلاما بويىنشا يپوتەكالىق نەسيەنىڭ جىلدىق مولشەرى 7 پايىزدان اسپايتىن، باستاپقى جارناما 20 پايىزعا دەيىن، مەرزىمى 25 جىلعا دەيىن بولادى»،-دەدى مەملەكەت باسشىسى.

Abai.kz