فاروب پانچاكەنت اۋدانىنىڭ تۇرعىنى سۋلايمون بۋريەۆ 2013 جىلى قوي باعىپ ءجۇرىپ، مەملەكەتتىك شەكارانى زاڭسىز كەسىپ ءوتىپ كەتكەنى ءۇشىن 17 جىلعا سوتتالعان. كەيىن ونىڭ جازاسىن جەتى جىلعا قىسقارتقان.

سۋلايمون بۋريەۆتىڭ اناسى نورچۋچۋك ەشمۋرودوۆا ۇلىنىڭ ءۇش رەت قوڭىراۋ شالعانىن قۋانا حابارلادى. «ول كەشە كەشكىسىن زۆوندادى. ونى ناۆوي قالاسىنداعى تۇرمەدەن جالپى قونىستانۋ مەكەمەسىنە اۋىستىرىپتى. ول قازىر اينەك زاۋىتىندا جۇمىس ىستەيدى»، - دەدى نورچۋچۋك ەشمۋرودوۆا.

سۋلايموننىڭ اكەسى ماردون بۋريەۆتىڭ سوزدەرىنشە، ۇلىنىڭ تۇرمەدەن بوساپ شىعۋىنا ءۇش جىل قالعان. بىراق وزبەكستان بيلىگى ناۋرىز مەيرامى قارساڭىندا راقىمشىلىق جاساعان.

ءۇش جىل بۇرىن سۋلايموننىڭ اناسى قيىندىقپەن ۆيزا الىپ، وزبەكستانعا بارىپ، ۇلىمەن كەزدەسكەن. سول كەزدە ۇلى تەرگەۋ اباقتىسىندا 28 كۇن بويىندا ونى "تاجىك ارنايى قىزمەتىمەن بايلانىسىڭدى مويىندا" دەپ ازاپتاعانىن، ۇرىپ-سوققانىن ايتقان.

Abai.kz