شاۆكات ميرزياەۆ پەن ەمومالي راحموننىڭ ەكى ەل اراسىنداعى دوستىقتى نىعايتۋ تۋرالى كەلىسىمدە شەكارانى جارىلعىشتاردان تازارتۋ جايى قامتىلعان.

وزبەكستاننىڭ تاجىكستانمەن شەكاراسىنداعى تاۋلى ايماقتارعا جارىلعىش ورناتۋ 1999 جىلى باستالعان. سول كەزدە "وزبەكستاننىڭ يسلام قوزعالىسى" سودىرلارى تاجىكستاننان تاۋ سىلەمدەرى ارقىلى وزبەكستاننىڭ سۇرحانداريا وبلىسىنا وتۋگە تالپىنعان.

تاجىكستاننىڭ جارىلعىش ماسەلەلەرى جونىندەگى ۇلتتىق ورتالىعىنىڭ مالىمەتتەرىنە قاراعاندا، 1999-2011 جىلدارى وزبەك-تاجىك شەكارالاس اۋداندارىندا 160-تان استام ادام جارالانىپ، 76 ادام وپات بولدى. رەسمي مالىمەت بويىنشا، وزبەك-تاجىك شەكاراسىنداعى جارىلعىشتاردان 15 بالا جانە بەس ايەل قازا تاپقان.

Abai.kz