استانا. 20 قاڭتار. قازتاگ – قازاقستاننىڭ قيىر سولتۇستىگى مەن شىعىسى بەيسەنبى كۇنى بۇرىنعىسىنشا انتيتسيكلون ىقپالىندا بولا بەرەدى. سوندىقتان مۇندا ايازدى، جاۋىن-شاشىنسىز اۋا رايى ساقتالادى. سونىمەن قاتار رەسپۋبليكانىڭ باتىسىنان تسيكلون اقىرىنداپ اقتوبە وبلىسى مەن قاراعاندى وبلىسىنىڭ باتىسىنا ىعىسادى دەپ كۇتىلۋدە. تسيكلون مۇندا بۇرقاسىنداتقان قار اكەلىپ، جەل كۇشەيەدى، دەپ حابارلايدى تجم.

بولجام بويىنشا ماڭعىستاۋ، اقتوبە، قوستاناي، قاراعاندى وبلىستارىندا كەي جەرلەرىندە بۇرقاسىنداتىپ، 15-20 م/س جەل تۇرىپ، ماڭعىستاۋ وبلىسىندا كوكتايعاقتانادى. الماتى وبلىسىنىڭ جالاڭاشكول اۋدانىندا وڭتۇستىك-شىعىستان 18-23 م/س جەل تۇرادى، تۇندە كەي جەرلەرىندە تۇمان تۇسەدى. اقمولا وبلىسىندا كۇندىز كەي جەرلەرىندە 15-20 م/س جەل تۇرادى، سىرما جۇرەدى. سولتۇستىك قازاقستان، پاۆلودار، وڭتۇستىك قازاقستان، جامبىل، قىزىلوردا وبلىستارىندا – كەي جەرلەرىندە تۇمان ءتۇسىپ، وڭتۇستىك قازاقستان وبلىسىندا 15-20 م/س جەل تۇرادى.

جاقىن كۇندەرى رەسپۋبليكانىڭ وزەن-كولدەرىندە مۇز قاتۋ ۇدەرىسى ودان ارى جالعاسىپ، رەسپۋبليكانىڭ وڭتۇستىگى، وڭتۇستىك-شىعىسىنداعى جەكەلەگەن وزەندەردە مۇز توسپالار پايدا بولىپ، سۋ دەڭگەيى كوتەرىلىپ، ارناسىنان اسىپ، تاسۋى مۇمكىن.