«ءبىز "تاجىك ۇلتى", "تاجىك ءتىلى", "تاجىك مادەنيەتى", "تاجىك ادەبيەتى" دەگەن ءسوز تىركەستەرىن ماقتانىشپەن ايتۋىمىز كەرەك. ءبىز انامىزدى جانە تاجىكستاندى قالاي سۇيسەك، ولاردى دا سولاي ءسۇيۋىمىز كەرەك»، - دەدى مەملەكەت باسشىسى ناۋرىز مەيرامى قارساڭىندا تاجىكستاننىڭ زيالى قاۋىم وكىلدەرىمەن كەزدەسۋ كەزىندە.

ەمومالي راحمون زيالى قاۋىمدى ۇلتتىق مۇددەنى قورعاۋعا شاقىردى. ونىڭ سوزدەرىنشە، ينتەلليگەنتسيا وكىلدەرى ۇلتتىق قۇندىلىقتار جانە تاجىك ءتىلى جايىندا ءسوز بولعاندا، تەك باقىلاۋشى رەتىندە عانا بولماۋى ءتيىس، ولار اشىق پىكىر ءبىلدىرىپ، قارسىلىق ءبىلدىرىپ وتىرۋى قاجەت دەپ ەسەپتەيدى.

«سىزدەر ءتىلىن، ءدىنىن ساتقانداردى اشىق ايىپتاۋلارىڭىز كەرەك. ولاردىڭ وزدەرىن تاجىكپىن دەپ ساناۋعا مورالدىق قۇقىقتارى جوق»، - دەدى ەمومالي راحمون.

تاجىكستان پرەزيدەنتى جانىنداعى ستراتەگيالىق زەرتتەۋ ورتالىعىنىڭ ديرەكتورى سايفۋللو سافاروۆ مەملەكەت باسشىسى مەملەكەتتىك ءتىلى اياسىنداعى داۋعا نۇكتە قويدى دەيدى. «ۇكىمەت پەن عالىم، ءتىل زەرتتەۋشىلەردىڭ ۇستانىمى وزگەرىسسىز – تاجىكستاندا ءبىر عانا مەملەكەتتىك ءتىل بار، ول پارسى ءتىلى ەمەس، تاجىك ءتىلى»، - دەدى ول.

Abai.kz