قر باس پروكۋرورى

ق.پ.قوجامجاروۆقا

كوشىرمەسى  

قر مادەنيەت جانە سپورت ءمينيسترى

ا.مۇحامەديۇلىنا

كوشىرمەسى

قر اقپارات جانە كوممۋنيكاتسيالار ءمينيسترى

د.ءا. اباەۆقا

اشىق حات

                                                  قۇرمەتتى  قايرات پەرنەشۇلى!       

ءسىزدىڭ نازارىڭىزدى جىل سايىن «قازاقستان رەسپۋبليكاسىنداعى مەرەكەلەر تۋرالى»  زاڭنىڭ  (2001 جىلى 13 جەلتوقساندا قابىلدانعان №267-ءىى)  بۇزىلىپ كەلە جاتقاندىعىنا  اۋدارامىن.

اتاپ ايتقاندا، وسى زاڭنىڭ 3-بابىندا كورسەتىلگەن  «21-23 ناۋرىز  - ناۋرىز مەيرامى» دەگەن بولىگىن جىل سايىن كەيبىر ۇلتتىق كومپانيالار مەن ورگاندار، جەكەلەگەن  جانە مەملەكەتتىك مەكەمەلەر اۋا رايىن سىلتاۋراتىپ، زاڭدا بەكىتىلگەن كۇندەرى ەمەس، ءساۋىر ايىندا مەرەكەلەيتىن ءداستۇردى قولدان جاساپ العان.  بۇل جاعداي اتالمىش مەرەكەگە بولىنەتىن قارجىنىڭ ماقساتتان تىس، باسقا سيپاتتاعى دەمالىس شارالارىنا جۇمسالىپ، ال اتاۋى ناۋرىز مەرەكەسى تۇرىندە شىعىندالاتىنى ءمالىم. جانە دە زاڭدا كورسەتىلگەن داتالار  قاساقانا تۇردە بۇزىلىپ وتىر.

ەگەر دە ءار كومپانيا مەن ۇجىم، مەكەمەلەر مەن ۇيىمدار ويىنا كەلگەن كۇنى زاڭدا بەكىتىلگەن مەملەكەتتىك مەرەكەلەردى اتايتىن بولسا، ونداي زاڭنىڭ قاجەتى قانشا؟ ونىڭ قۇزىرى قانشالىقتى دەگەن ساۋالدار تۋىندايدى. بۇل جاعداي سوڭعى ونشاقتى جىل بويى ورىن الىپ كەلەدى جانە ول استانا قالاسى مەن سولتۇستىك وڭىرلەرگە ءتان بولىپ وتىر.

اۋا رايى قولايسىز بولسا،  زاڭعا وزگەرىس ەنگىزىپ، كۇنتۇزبەلىك  جاڭاجىلدى  1-2 قاڭتاردا ەمەس، 1-2 ناۋرىزدا اتاپ ءوتۋدى ۇسىنۋعا تۋرا كەلەدى.

بۇلاردىڭ ءبارى باسسىزدىق پەن كەلەڭسىزدىكتەر عانا ەمەس، زاڭ بۇزۋ ايعاقتارى بولىپ تابىلادى.

اتالمىش ماسەلە بويىنشا شارا قابىلداۋدى جانە باقىلاۋعا الۋدى سۇرايمىن.

قۇرمەتپەن، قر ازاماتى  - سەرىك ەرعالي

Abai.kz