جۋىردا عانا ەلدىڭ ەڭسەسىن كوتەرۋگە «رەسمي رۇقسات» الىندى: قازاق حالقىنىڭ جاۋاپكەرشىلىگى، تاريحي ميسسياسى تۋرالى جوعارعى مىنبەردەن جاريا ەتىلدى.

بۇنىڭ، از دا بولسا، ۇلتتىق دامۋعا سەرپىن بەرەتىنى راس. بۇيىعىپ جاتقان ۇلتتىق سانا باسىن كوتەرە باستايدى...

ۇلتتىق سانانىڭ "ويانۋى" − قازاقتىڭ ءتول مىنەزى − ادىلدىك پەن تۋرا تورەلىكتى قاجەتسىنەتىن بولادى.

بۇرىنعى − ء"بولىپ ال دا بيلەي بەر" دەگەن بەتىمەن كەتۋشىلىك اياعىن تارتا باستايدى...

تاۋعا شىعىپ العان كوررۋپتسيا اياعىن اڭداپ باسىپ، قارقىنىن جوعالتادى. ءسويتىپ، "اسا مارتەبەلى" كوررۋپتسيانىڭ قان تامىرلارى سۋالا بەرەتىن بولادى. سەبەبى، مەملەكەتتىڭ قازىناسى دا، ەلدىڭ وعان ءتوزىمى دە  تاۋسىلۋعا شاق...

جەمقورلىق قارقىنى ازايۋى −  كاسىپكەرلىك قاقپاسىن اشۋعا يتەرمەلەيدى. قوعامدا شىنايى بىلىمگە، شىنايى عىلىمعا سۇرانىس ارتا تۇسەدى.

قوعام ساۋاتتانعان سايىن، ونىڭ ءوزىن-ءوزى قورعاۋ يممۋنيتەتى جانە ءومىر سۇرۋگە قۇشتارلىعى ارتىپ، قوعامدى اياعىنان تۇساپ وتىرعان لاس تىرلىكتەردى بۇرىنعىدان بەتەر قارقىندى الاستاۋعا كىرىسەدى...

اۋا تازارادى، اۋلا تازارادى، سۋ تازارادى، نيەت پەن پيعىل تازارادى!

بۇگىلگەن بەل تۇزەلە باستايدى، يىلگەن باس - كوتەرىلۋگە تالپىنادى...

ەڭ باستىسى: ۇلتتىڭ ۇلتتىعى ارتقان سايىن −  ۇلت ءوزىن دە، وزگەنى دە ۇلىقتاۋعا قابىلەتتى بولا بەرەدى!

وسىنى ۇقپاعان كوسەم − كوسەم ەمەس!

وتانداستارىم، اردا ازاماتتارىم، بەسىك كيەسى – قىزدارىم!

ناۋرىز قۇتتى بولسىن!

ءابدىراشيت باكىرۇلى، فيلوسوف-پۋبليتسيست

Abai.kz