بۇل وقيعا سوناۋ XIX عاسىردا، مۇحيتتىڭ ارعى بەتىندەگى اقش-تا بولعان ەدى. 1862 جىلدىڭ 11-جەلتوقسانىندا فرەدەريكسبەرگ تۇبىندە وڭتۇستىك جانە سولتۇستىك فراكتسيا اسكەرى كەزدەسىپ، ءبىر اپتاعا سوزىلعان شايقاس بولدى. 12 جەلتوقساندا سولتۇستىك تاراپ ۇلكەن شىعىنعا ۇشىراپ، كەمى 7 مىڭ اسكەرىنەن ايىرىلادى. بيىكتىكتى الۋعا قانشا ۇمتىلسا دا، قارسىلاستىڭ وسال تۇسىن تاپپاعان ەدى.

وڭتۇستىك تاراپتىڭ وكىلى سەرجانت ريچارد كيركلاند بيىكتىك ماڭىندا ىڭىرسىپ جاتقان جاۋ اسكەرىنە جانى اشىپ، سۋ بەرگىسى كەلەءتىنىن مالىمدەيدى. ول ءوز ايتقانىنان قايتپاي، ءتىپتى گەنەرالىنا دا قارسى شىعادى. "جاۋدى اياعانىڭ نە؟" دەگەن گەنەرالىنا، ء"بىز ءبىر ۇلتپىز، سوعىستا ماڭىزدىسى ادام بولىپ قالۋ" دەپ جاۋاپ بەرىپتى. گەنەرال ونىڭ قايتپايتىنىن ءبىلىپ، رۇقساتىن بەرگەن دەسەدى. سول كۇنى سەرجانت كيركلاند جۇزدەگەن جارالى جاۋ اسكەرىنە سۋ بەرىپ، قۇتقارعان كورىنەدى.

كەيدە ءبىز بەيبىت كۇندە ءجۇرىپ-اق ادامي قاسيەتتەن ادا بولىپ بارا جاتقانداي كورىنەدى ماعان. قاراپايىم عانا ادامي ارەكەتتەر، ۇلكەنگە قۇرمەت كورسەتۋ، ورىن بەرۋ، سالەمدەسۋ، جولدان وتكىزىپ جىبەرۋ، بەتىنەن الماۋ سىندى قىلىقتار ءبىزدى ادام رەتىندە ساقتاپ قالماق.

قاھارمان بولۋ ءۇشىن قارا تاستى كوتەرۋدىڭ قاجەتى جوق. جاي عانا ادام بولىپ قال، مىنە سول قاھارماندىق!

پىسى: سۋرەتتە كيركلاندقا قويىلعان ەسكەرتكىش.

اسحات قاسەنعالي

Facebook-تەگى پاراقشاسىنان