كاريموۆ تۇسىندا ىزدەۋدە بولعان بوسقىن وزبەكستانعا ورالدى
![](http://abai.kz/content/uploads/2018/03/01AB0544-4C14-4274-87D2-2AE2A7F923A1_w1023_r1_s.jpg)
وزبەكستان بيلىگى ءدىني ايىپ بويىنشا ىزدەۋ جاريالاعان فەرعانا وبلىسى مارگيلان قالاسىنىڭ تۇرعىنى بوتيرجون يبراگيموۆ ءتورت جىلدان سوڭ ءوز ەركىمەن شەتەلدەن وتانىنا ورالدى.
فەرعانا وبلىستىق ىشكى ىستەر باسقارماسى ءباسپاسوز قىزمەتىنىڭ مالىمەتىنشە، ءوز ەركىمەن كەلگەندىكتەن بوتيرجون يبراگيموۆ قاماۋعا الىنبايدى. بيلىك وكىلدەرى يبراگيموۆتى تۋىستارىنا تاپسىرعان دەپ حابارلايدى ازاتتىقتىڭ وزبەك قىزمەتى (وزودليك).
بيلىك يبرگايموۆقا وزبەكستان قىلمىستىق كودەكسىنىڭ ء"دىني مازمۇنداعى ماتەريالداردى زاڭسىز ازىرلەۋ، ساقتاۋ، اكەلۋ نەمەسە تاراتۋ" بابىندا قاراستىرىلعان قىلمىسقا كۇدىكتى رەتىندە ىزدەۋ جاريالاعان. ورالدى. فەرعانا وبلىستىق ىشكى ىستەر باسقارماسى ءباسپاسوز قىزمەتىنىڭ جەتەكشىسى ۋميدجون سوليەۆتىڭ وزودليك راديوسىنا ايتۋىنشا، بوتيرجون يبراگيموۆ بيلىك ءدىني ايىپتار بويىنشا ىزدەۋ جاريالانعانداردىڭ وتباسىلارىمەن تۇسىنىك جۇمىستارىن جۇرگىزگەننەن كەيىن وزبەكستانعا ءوز ەركىمەن ورالعان العاشقى ازامات.
وزودليك تىلشىسىنە بوتيرجون يبراگيموۆتىڭ وزىمەن سويلەسۋدىڭ ءساتى تۇسپەگەن.
وزبەكستاندا 2016 جىلى جەلتوقساندا پرەزيدەنت سايلاۋىندا جەڭىسكە جەتكەن شاۆكات ميرزياەۆ بيلىككە كەلگەن سوڭ التى ايدان كەيىن بۇرىنعى پرەزيدەنت يسلام كاريموۆ تۇسىندا ءدىني سەبەپتەر بويىنشا ايىپتالىپ سوتتالعانداردىڭ وتباسىلارىن اقتاۋ پروتسەسىن باستاعان. ايماقتارداعى بيلىك وكىلدەرى، ىشكى ىستەر ورگاندارى، پروكۋراتۋرا جانە ۇلتتىق قاۋىپسىزدىك قىزمەتكەرلەرى بۇعان دەيىن ارنايى قىزمەتتىڭ "قارا تىزىمىندە" بولعان ادامداردىڭ ۇيلەرىن ارالاپ، ولاردىڭ الگى تىزىمنەن الىنعانىن حابارلاپ، قايتادان قالىپتى ءومىر سۇرۋىنە جاردەمدەسۋگە ۋادە ەتكەن.
2017 جىلعى ماۋسىمنىڭ 17-ءى كۇنى يمامدار مەن ءدىني قايراتكەرلەردىڭ قاتىسۋىمەن وتكەن جيىندا پرەزيدەنت ميرزياەۆ "قارا تىزىمگە" الىنعان ازاماتتاردىڭ ءىسىن مۇقيات تەكسەرىپ، ءدىني سەبەپتەرمەن سوتتالعانداردىڭ وتباسىلارىمەن تۇسىنىك جۇمىستارىن باستاۋدى تاپسىرعان. وتكەن جىلى قىركۇيەكتىڭ 1-ءى كۇنى تاشكەنتتەگى حاست يمام (حازراتي يمام) كەشەنىندەگى "باروكحان" مەدرەسەسىندە يمام-حاتيبتارمەن كەزدەسۋدە پرەزيدەنت ميرزياەۆ "قارا تىزىمدە" بولعان 17 مىڭ مۇسىلماننىڭ 16 مىڭى ول تىزىمنەن الىنىپ، 9500-گە جۋىق ادامنىڭ جۇمىسقا ورنالاسقانى تۋرالى حابارلاعان.
Abai.kz