قىرعىزستاندا قىتايلاردىڭ زاڭسىز تولقۇجات قالاي العانىن زەرتتەيدى
![](http://abai.kz/content/uploads/2018/03/C3E34820-2CB9-4EA9-AE38-D2B4E15F0E45_w1023_r1_s.jpg)
قىرعىزستانداعى وش وبلىسىنىڭ ميليتسياسى قىتايدىڭ ءتورت ازاماتىنا قاتىستى قىلمىستىق ءىس قوزعادى. ولار قىرعىزستان تولقۇجاتىن زاڭسىز العان دەگەن كۇدىككە قالعان. قۇجاتتار جەرگىلىكتى تۇرعىنداردىڭ ەسىمدەرىمەن تولتىرىلسا، ال ءبىر تولقۇجات قايتىس بولعان ادامنىڭ اتىنا راسىمدەلگەن.
زاڭسىز قۇجاتتار 2017 جىلى قاراشادا كارا-سۋي اۋدانىنداعى بازاردا جۇرگىزىلگەن تەكسەرۋ كەزىندە اشكەرەلەندى. سول كەزدە ءتورت قىتاي ميليتسيا قىزمەتكەرلەرىنە قىرعىزستان تولقۇجاتتارىن كورسەتكەن.
وش وبلىسى ىشكى ىستەر باسقارماسىنىڭ ءباسپاسوز حاتشىسى جەنيشبەك اشىرباەۆتىڭ ايتۋىنا قاراعاندا، ءبىر كۇدىكتى تۇتقىنعا الىندى، قالعان ۇشەۋىنە ىزدەۋ جاريالاندى. ۇستالعان ازامات تەرگەۋ كەزىندە جالعان قۇجات جاساتۋعا ەكى مىڭ دوللار تولەگەنىن مويىندادى، دەدى اشىرباەۆ.
رەسمي مالىمەتكە قاراعاندا، زاڭسىز تولقۇجات بەرگەنى ءۇشىن تولقۇجات ۇستەلىنىڭ بىرنەشە قىزمەتكەرى جاۋاپقا تارتىلعان:
«نووكات اۋدانىنا قاراستى تولقۇجات-ۆيزا ءبولىمىنىڭ جالعان قۇجاتتار دايىنداۋعا قاتىسقان ءبىر قىزمەتكەرىنىڭ ءىسى سوتقا بەرىلدى. ولار قىتاي ازاماتتارىنا قۇجات ازىرلەۋمەن اينالىسقان. قازىرگى تاڭدا ءدال وسىنداي تاعى ون وقيعا اشكەرەلەندى».
شەتەل ازاماتتارىنا قىرعىز تولقۇجاتتارىن زاڭسىز بەرۋ فاكتىلەرى بۇعان دەيىن دە تىركەلگەن. 2017 جىلى بۇل ماسەلە پارلامەنتتە قوزعالىپ، دەپۋتاتتار تولقۇجات بەرۋ قىزمەتىن مەملەكەتتىك تىركەۋ قىزمەتىنەن ىشكى ىستەر مينيسترلىگىنە بەرۋ تۋرالى ۇسىنىس ايتقان ەدى.
Abai.kz