كەمەروۆوداعى ورتتەن 37 ادام وپات بولدى (ۆيدەو)
![](http://abai.kz/content/uploads/2018/03/713044AE-7B9B-4622-8FA4-73D78368897D_w1023_r1_s.jpg)
رەسەيدىڭ كەمەروۆو قالاسىنداعى "زيمنيايا ۆيشنيا" ساۋدا-ويىن-ساۋىق ورتالىعىندا شىققان ورتتەن 37 ادام وپات بولىپ، 43 ادام زارداپ شەككەن. شامامەن 70 ادام ءىز-ءتۇسسىز جوعالعاندار قاتارىندا. مۇنداي رەسمي مالىمەتتى تاسس اگەنتتىگى تاراتتى. تەرگەۋ كوميتەتى قىلمىستىق ءىس قوزعادى.
"زيمنيايا ۆيشنيا" ساۋدا ورتالىعىندا ءىز-ءتۇسسىز جوعالعاندار سانى 69 ادامعا جەتتى، ولاردىڭ 40-ى - بالالار", – دەدى شۇعىل شتاب وكىلى تاسس اگەنتتىگىنە.
مالىمەتتەرگە قاراعانلا، ورتتەن قۇتقارۋ دابىلى قوسىلماي قالىپ، ادامداردى عيماراتتا جاپپاي ەۆاكۋاتسيالاۋ جۇرگىزىلمەگەن. رەسمي مالىمەتتەر بويىنشا، ءجۇز ادام ەۆاكۋاتسيالانعان، تاعى جيىرما ادام قۇتقارىلعان. ساۋدا ورتالىعىنداعى قالعان ادام ءوز بەتىمەن عيماراتتان شىققان بولۋى كەرەك. دەمالىس كۇنى مۇندا كەلۋشىلەر سانى كوپ بولعان.
Abai.kz