«ازىرەت سۇلتان» مەملەكەتتىك تاريحي-مادەني قورىق-مۋزەيىنە تۇركيا رەسپۋبليكاسى، ستامبۋل قالاسىنان ياساۋيتانۋشى عالىم، قوجا احمەت ءياساۋيدىڭ 27-ءشى ۇرپاعى، «Yesevi ocaklari» جۋرنالىنىڭ باس رەداكتورى يسمەتۋللا ياساۋي كەلدى.

قورىق-مۇراجايدا وتكەن ۇلىستىڭ ۇلى كۇنى ناۋرىز مەرەكەسىنە ارنالعان مادەني ءىس-شارا بارىسىندا يسمەتۋللا ياساۋي سالتاناتتى تۇردە قوجا احمەت ءياساۋيدىڭ "ديۋاني حيكمەت" قولجازباسىنىڭ تۇپنۇسقاسىن «ازىرەت سۇلتان» قورىق-مۋزەيىنىڭ ديرەكتورى احمەتجانوۆ نۇربولات قادىرۇلىنا تابىس ەتتى. كىتاپ - 1212 جىلى شاعاتاي تىلىندە جازىلعان. ياساۋيتانۋشىنىڭ ايتۋىنشا جەتى عاسىرعا جۋىق ساقتالىپ كەلگەن قۇندى جادىگەردىڭ تۇپنۇسقاسىندا جارىققا شىقپاعان دۇنيەلەر مول. الداعى ۋاقىتتا اتالعان قۇندى جادىگەردى استانا قالاسىنداعى ۇلتتىق سيرەك كىتاپتار مەن قولجازبالار ورتالىعىن اپارىپ اۋدارما جۇمىستارىن جاساتۋ جوسپارلانۋدا.

سالتاناتتى شارا ۇلىستىڭ ۇلى كۇنى – ناۋرىز مەرەكەسىن اتاپ وتۋگە ۇلاستى. ماڭىزدى باسقوسۋعا جينالعان حالىق مۋزەي ۇجىمى دايىنداعان ناۋرىز كوجە مەن داستارحاننان ءدام تاتىپ، كونتسەرتتىك باعدارلاما تاماشالادى. ۇلىستىڭ ۇلى كۇنىمەن بارشا قىزمەتكەرلەردى قۇتتىقتاعان مەكەمە باسشىسى نۇربولات قادىرۇلى ياساۋيتانۋشى يسماتۋللا ياساۋيعا "ازىرەت سۇلتان" مەملەكەتتىك تاريحي-مəدەني قورىق مۇراجايى اتىنان ارنايى سىيلىقتار تابىس ەتتى.

د.قوجامۇراتوۆ، "ازىرەت سۇلتان" قورىق-مۋزەيىنىڭ
ءباسپاسوز قىزمەتى

Abai.kz