استانا. 22 قاڭتار. قازتاگ – سەنبى كۇنى قازاقستاننىڭ باسىم اۋماعىنا تسيكلون ىقپال ەتىپ، سونىمەن بايلانىستى تۇتاس اتموسفەرالىق اعىم كەي جەرلەرىندە قار جاۋدىرىپ، بۇراقسىنداتىپ، جەلدى كۇشەيتەدى. قازاقستاننىڭ شىعىسى بۇرىنعىسىنشا انتيتسيكلون ىقپالىندا بولىپ، مۇندا جاۋىن-شاشىنسىز، اشىق اۋا رايى ساقتالادى، دەپ «قازگيرومەت» رمك حابارلايدى.

استانادا الا بۇلتتى، جاۋىن-شاشىنسىز. شىعىستان 9-14 م/س جەل تۇرىپ، ەكپىنى 18 م/س-قا دەيىن بارادى، اۋا تەمپەراتۋراسى -7-9°س بولادى.

الماتىدا دا الا بۇلتتى، جاۋىن-شاشىنسىز، 0-5 م/س سامال سوعىپ، اۋا تەمپەراتۋراسى كۇندىز +2+4°س شاماسىندا بولادى.

مەتەوقىزمەتتىڭ بولجامى بويىنشا رەسپۋبليكانىڭ سولتۇستىگىنىڭ بارلىق اۋماعىندا قار جاۋادى. اقمولا وبلىسىندا قار جاۋىپ، كەي جەرلەرىندە بۇرقاسىنداتىپ، 15-20 م/س جەل تۇرىپ، اۋا تەمپەراتۋراسى -7-12 گرادۋس، قوستاناي وبلىسىندا قار جاۋىپ، بۇرقاسىنداتىپ، كەي جەرلەرىندە 15-20 م/س جەل تۇرىپ، اۋا تەمپەراتۋراسى -15-20 گرادۋس، سولتۇستىك قازاقستان وبلىسىندا قار جاۋىپ، كەي جەرلەرىندە بۇرقاسىنداتىپ، 15-20 م/س جەل تۇرىپ، اۋا تەمپەراتۋراسى -17-22 گرادۋس، پاۆلودار وبلىسىندا قار، اۋا تەمپەراتۋراسى -20-25 گرادۋس.

قازاقستاننىڭ باتىسىندا جاۋىن-شاشىن كۇتىلمەيدى. اتىراۋ، باتىس قازاقستان وبلىستارىندا جاۋىن-شاشىنسىز، اۋا تەمپەراتۋراسى -10-15 گرادۋس، ماڭعىستاۋ وبلىسىندا جاۋىن-شاشىنسىز، كەي جەرلەرىندە تۇمان ءتۇسىپ، كوكتايعاقتانىپ، كەي جەرلەرىندە 15-20 م/س جەل تۇرىپ، اۋا تەمپەراتۋراسى -3-8 گرادۋس، اقتوبە وبلىسىندا دا جاۋىن-شاشىنسىز، اۋا تەمپەراتۋراسى -15-20 گاردۋس بولادى.

قاراعاندى وبلىسىندا قار جاۋادى، كەي جەرلەرىندە جەل 15-20 م/س-قا دەيىن كۇشەيىپ، كەي جەرلەرىندە تۇمان ءتۇسىپ، اۋا تەمپەراتۋراسى -5-10 گرادۋس بولادى، شىعىس قازاقستان وبلىسىندا جاۋىن-شاشىنسىز، كەي جەرلەرىندە جەل 15-20 م/س-قا كۇشەيىپ، اۋا تەمپەراتۋراسى -10-15 گرادۋس بولادى دەپ كۇتىلۋدە.

الماتى وبلىسىندا جاۋىن-شاشىنسىز، كەي جەرلەرىندە تۇمان تۇسەدى، جالاڭاشكول اۋماعىندا 18-23 م/س جەل ساقتالادى، ەكپىنى 28 م/س بولىپ، اۋا تەمپەراتۋراسى 0+5 گرادۋس، جامبىل وبلىسىندا قار جاۋىپ، كەي جەرلەرىندە تۇمان ءتۇسىپ، كوكتايعاقتانىپ، كەي جەرلەرىندە 15-20 م/س جەل تۇرىپ، اۋا تەمپەراتۋراسى +1+6 گرادۋس، وڭتۇستىك قازاقستان وبلىسىندا دا قار جاۋىپ، تۇمان ءتۇسىپ، كوكتايعاقتانىپ، كەي جەرلەرىندە 15-20 م/س جەل تۇرىپ، اۋا تەمپەراتۋراسى -1+4 گرادۋس، قىزىلوردا وبلىسىندا كەي جەرلەرىندە تۇمان ءتۇسىپ، بۇرقاسىنداتىپ، كوكتايعاقتانىپ، اۋا تەمپەراتۋراسى -3-8 گرادۋس بولادى دەپ كۇتىلۋدە.

جاقىن كۇندەرى قازاقستان وزەندەرىندە (ورال، ەسىل، نۇرا، ەرتىس جانە ت.ب.) قىسقى رەجيم ساقتالادى، مۇز قالىڭداۋى ودان ارى جالعاسادى. الماتى، شىعىس قازاقستان وبلىستارىنىڭ وزەندەرىندە مۇز توسپالار پايدا بولۋىنان سۋ دەڭگەيىنىڭ كوتەرىلۋى مۇمكىن. سىرداريادا شاردارا سۋ قويماسىنان اعىزىلاتىن سۋ كولەمىنىڭ رەتتەلۋىنەن كوكتوبە اۋىلىنىڭ ماڭىندا سۋ دەڭگەيى قۇبىلىپ تۇرادى دەپ كۇتىلۋدە.