ىشكى ىستەر مينيسترلىگىنىڭ مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋباەۆ 26 ناۋرىزدا وسىلاي دەپ مالىمدەدى.

"جەرگىلىكتى پوليتسيا قىزمەتى اكىمدىكككە قارايدى. سولار جاۋاپتى. بىزدەن ەشقانداي نۇسقاۋ بولعان جوق. بۇل ساۋالدى اكىمدىككە قويىڭىز. ىشكى ىستەر دەپارتامەنتى قىزمەتكەرلەرى تاراپىنان مۇنداي ارەكەت بولعان جوق", - دەدى سادۋباەۆ.

ناۋرىز مەرەكەسىن تويلاۋ كەزىندە استانادا قولدارىنا كوك شار ۇستاعان بىرنەشە ادامدى پوليتسيا ۇستاپ، كەيىن ولاردى حاتتاما تولتىرماستان بوساتىپ جىبەرگەن. پوليتسيا تىلشىلەرگە بۇل ارەكەتىن مەرەكە كەزىندە ءتارتىپتى "كۇشەيتۋ" شاراسى دەپ تۇسىندىرگەن.

اتاي كەتەيىك، كوك شارلاردى قازاقستاندا تىيىم سالىنعان قازاقستاننىڭ دەموكراتيالىق تاڭداۋى قوزعالىسىمەن، ونىڭ جەتەكشىسى وليگارح مۇحتار ابليازوۆپەن بايلانىستىرادى. قوزعالىس ءوز جاقتاستارىن مەرەكە كۇندەرى كوك شارمەن شىعۋ ارقىلى ساياسي نارازىلىعىن بىلدىرۋگە شاقىرعان.

Abai.kz